ފަތުރުވެރިކަމާއި ގުޅުންހުރި މުހިއްމު ބައެެއް ޤަވާއިދުތަކާއި އުސޫލުތަކަށް ގެންނަން ފެންނަ ބަދަލުތަކާއި ގުޅޭގޮތުން އާންމުންގެ ޙިޔާލު ހުށަހެޅުމަށް ޓުއަރިޒަމް މިނިސްޓްރީން ފުރުޞަތު ހުޅުވާލައިފިއެވެ.
އެމިނިސްޓްރީން އާންމުކުރި ބަޔާނުގައި ބުނެފައިވަނީ ޖެނުއަރީ 20 ވަނަ ދުވަހުން ފެށިގެން 7 ދުވަހުގެ މުއްދަތަށް ހިޔާލު ހޯދުމަށް ހުޅުވާލާފައިވާ ކަމަަށެވެ.
އެގޮތުން އެޤަވާއިދުތައް އެމިނިސްޓްރީގެ ވެބްސައިޓުގެ ލޯސް އެންޑް ރެގިއުލޭޝަންސްއިން ފެންނާނެ ކަމަށެވެ. އަދި އެޤަވާއިދުތަކަށް ލިޔުމުންނާއި އީމެއިލް [email protected] ގެ ޒަރިއްޔާއިންވެސް ޙިޔާލު ފޮނުވޭނެ ކަމަށް މިނިސްޓްރީން ވަނީ ބުނެފައެވެ.
މީގެ އިތުރުން ޑިސެމްބަރ 28، 2018 ވަނަ ދުވަހު ބޭއްވި ގެސްޓްހައުސް ސިމްޕޯސިއަމް ގައި ހުށަހެޅުނު ހިޔާލުތަކަށް ބިނާކޮށް ތައްޔާރުކޮށްފައިވާ ރިޕޯޓުގައި ކަންކަން ތަންފީޒު ކުރުމުގެ މަސައްކަތް ސަރުކާރުގެ ކަމާއި ގުޅޭ އިދާރާތަކާއި އެކު މިހާރު ކުރިއަށްދާ ކަމަށް ޓުއަރިޒަމް މިނިސްޓްރީން ވަނީ ބުނެފައެވެ.
