ކ. މާލެ
|
26 ނޮވެންބަރ 2018 | ހޯމަ 19:20
މާލޭގެ މަޖީދީ މަގު - 24 ގަޑިއިރު ވިޔަފާރިކުރުމަށް ހުއްދަ ދިނުމުގެ އުޞޫލަށް އާންމުންގެ ޚިޔާލަށް ވަނީ ހުޅުވާލައިފައި
މާލޭގެ މަޖީދީ މަގު - 24 ގަޑިއިރު ވިޔަފާރިކުރުމަށް ހުއްދަ ދިނުމުގެ އުޞޫލަށް އާންމުންގެ ޚިޔާލަށް ވަނީ ހުޅުވާލައިފައި
ރާއްޖެ އެމްވީ
24 ގަޑިއިރު ވިޔަފާރިކުރުމަށް ހުއްދަ
24 ގަޑިއިރު ވިޔަފާރިކުރުމަށް ހުއްދަ ދިނުމުގެ އުޞޫލަށް އާންމުންގެ ޚިޔާލަށް ހުޅުވާލައިފި
 
ހިޔާލު ހުށަހެޅުމުގެ ފަހު ވަގުތަކީ 29 ނޮވެމްބަރުގެ މެންދުރު 2:00

24 ގަޑިއިރު ވިޔަފާރިކުރުމަށް ހުއްދަ ދިނުމުގެ އުޞޫލަށް އާންމުންގެ ޚިޔާލަށް ހުޅުވާލައިފި އެވެ. 

މި އުސޫލަކީ އިމްޕޯޓް މުދަލުގެ ވިޔަފާރި ކުރުމުގެ ޤަވާއިދާއި ސައި ހޮޓާ އަދި ރެސްޓޯރަންޓް ހިންގުމުގެ ޤަވާއިދުގެ ދަށުން، 24 ގަޑިއިރު ވިޔަފާރި ކުރުމަށް ހުއްދަ ދިނުމުގައި އަމަލުކުރާނެ ގޮތެއް ކަމަޑައެޅުމަށްޓަކައި، މިނިސްޓްރީން އެކުލަވާފައިވާ އުސޫލެކެވެ.

އިކޮނޮމިކް މިނިސްޓްރީން ބުނީ މިއުސޫލަށް އެއްވެސް ޚިޔާލެއް ހުށަހަޅުއްވަން ބޭނުންފުޅުވާ ފަރަތެއް ވާނަމަ، މިނިސްޓްރީގެ އީމެއިލް [email protected] އަށް 29 ނޮވެމްބަރގެ މެންދުރު 2:00ގެ ކުރިން އީމެއިލް ކުރުމަށް އެދޭކަމަށެވެ. އަދި ލިޔުމުން ވެސް ހިޔާލު ހުށަހެޅޭނެ ކަމަށް މިނިސްޓްރީން ބުންޏެވެ. 

އިކޮނޮމިކް މިނިސްޓްރީން ބުނީ މިއުޞޫލުގެ މައިގަނޑު މަޤްޞަދަކީ، އާންމު ރައްޔިތުންނާއި ދަތުރުވެރިންގެ ޟަރޫރީ ބޭނުންތައް ފުއްދުމަށް ފިހާރަތަކާއި ކާބޯތަކެތީގެ ޚިދުމަތް ފޯރުކޮށްދޭ ތަންތަން، އާންމުކޮށް ވިޔަފާރި ކުރުމަށް ކަނޑައަޅާފައިވާ ގަޑިތަކުގެ ބޭރުން ހުޅުވާފައި ބެހެއްޓުމަށް ހުއްދަ ދިނުމުގައި ޢަމަލުކުރާނެ ގޮތެއް ކަނޑައެޅުމެވެ. އެގޮތުން ޤާނޫނު ނަންބަރު 2014/18 (ވިޔަފާރި ރަޖިސްޓަރީކުރުމުގެ ޤާނޫނު)ގެ ދަށުން، ރަޖިސްޓަރީކޮށްގެން ހިންގާ ތަންތަނުގެ ތެރެއިން، މީހުން ދިރުއުޅޭ ރަށްރަށުގައި ހިންގާ ފާމަސީތަކާއި، ސިޓީތަކުގައި، ފްރެންޗައިޒް އުޞޫލުން ހިންގާ ތަންތަން ފިޔަވައި، ރީޓެއިލް އުޞޫލުން ޟަރޫރީ ބޭނުންތައް ފުއްދުމަށް ބޭނުންވާ މުދާ ވިއްކާ ތަންތަނާއި ކެއިންބުއިމުގެ ޚިދުމަތް ފޯރުކޮށްދޭ ތަންތަނުގެ ތެރެއިން، ދުންފަތުގެ އިސްތިއުމާލުކުރުން މަނާ ތަންތަނާއި، ސިޓީތަކުގައި ހިންގާ ޕެޓްރޯލާއި ޑީސަލް ވިއްކާ ތަންތަނުގެ އިތުރުން މީހުން ދިރިއުޅޭ ރަށްރަށުގައި ހިންގާ ޞިއްޙީ މަރުކަޒުތަކާއި ހޮސްޕިޓަލްތަކުގައި ޤާއިމުކޮށްފައިވާ ފިހާރަތަކާއި ކެއިންބުއިމުގެ ޚިދުމަތް ފޯރުކޮށްދޭ ތަންތަނުގެ ތެރެއިން، ދުންފަތުގެ އިސްތިއުމާލު ކުރުން މަނާ ތަންތަން ހިމެނެއެވެ.

ހުއްދަ ހޯދުމަށް އެދި ހުށަހަޅާ ހުރިހާ ފަރާތަކުން ވެސް، ހުއްދަ ދިނުމަށް ނިންމިކަން މިނިސްޓްރީން އެންގުމުން، 2,000ރ.  (ދެހާސް ރުފިޔާ) ގެ ފީ އެއް މޯލްޑިވްސް އިންލެންޑް ރެވެނިއު އޮތޯރިޓީއަށް ދައްކަން ވާނެ ކަމަށް ވެސް ވަނީ ބުނެފައެވެ.

24 ގަޑިއިރުގެ ޚިދުމަތް ދިނުމުގެ ހުއްދަ ނަގާފައިވާ މުއްދަތުގެ ތެރޭގައި، ވިޔަފާރިތަކުން ޢަމަލުކުރަން ޖެހޭ އެއްވެސް ޤާނޫނެއް ނުވަތަ ޤަވައިދަކާ ޚިލާފުވެއްޖެނަމަ، އެތަނަކަށް ދޫކޮށްފައިވާ 24 ގަޑިއިރު ވިޔަފާރިކުރުމުގެ ހުއްދަ ބާޠިލްކު ރެވޭނެ ކަމަށް ވެސް މިއުސޫލުގައި ބަޔާންކޮށްފައިވެއެވެ.

24 ގަޑިއިރުގެ ޚިދުމަތް ދިނުމުގެ ހުއްދަ ދޫކޮށްފައިވާ ތަންތަނުގެ ތެރެ އިން، ހަފްތާ އެއްގެ ތެރޭގައި އެންމެ މަދުވެގެން 2 (ދޭއް) ދުވަހު ޚިދުމަތް ނުދޭ ތަންތަނަށް ދޫކޮށްފައިވާ ހުއްދަ ބާތިލުކުރެވޭނެ އެވެ.

މިއުޞޫލަށް ޢަމަލުކުރަން ފަށާނީ، ދިވެހި ސަރުކާރުގެ ގެޒެޓްގައި ޝާއިޢުކުރާ ދުވަހުން ފެށިގެންކަމަށް މިނިސްޓްރީން ބުނެ އެވެ. 

 

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: އަހްމަދުﷲ ޖަމީލް
0%
0%
0%
100%
0%
0%
ކޮމެންޓް