އައިފޯނަކަށް ކިޑްނީ ވިިއްކާލި ކުއްޖާގެ ބަލިހާލު ބޮޑުވެއްޖެ

އައިފޯނަކަށް ކިޑްނީ ވިއްކާލި ޗައިނާގެ ކުއްޖަކު ބަލިހާލު ބޮޑުވެ އެނދުމަތިވާން ޖެހިއްޖެއެވެ.

މިހާރު އުމުރުން 25 އަހަރުވެފައިވާ ވޭންގް އޭނާގެ މައިންބަފައިންނަށްވެސް ސިއްރުން އުމުރުން 17 އަހަރުގައި ކިޑްނީ ވިިއްކާލާފައިވަނީ އައިފޯނެއް ގަންނަން ބޭނުންވާތީ ކަމަށާއި، އަދި އެވަރުގެ ފުދުންތެރިކަމެއް އާއިލާގެ ނެތުމުން ކަމަށް މީޑިއާ ރިޕޯރޓުތަކުން ބުނެއެވެ.

އާއިލާއަށް ސިއްރުން ސެންޓްރަލް ހުނާން ޕްރޮވިންސަށް ގޮސް 25،118 ޕައުންޑަށް އޭނާ ވަނީ ކިޑްނީ ވިއްކާލާފައެވެ. ކިޑްނީ ވިއްކާލީ އޮންލައިންކޮށް ދިމާވި މީހަކަށެވެ. އެ ފައިސާއިން އައިފޯނަކާއި އައިޕެޑެއް ގަތެވެ. މިހާރު ވަނީ ވޭންގްގެ ކުޑަކަމުދާ ނިޒާމު އެއްކޮށް ފެއިލްވެފަ އެވެ.

އޭނާގެ ބަލިހާލު ބޮޑުވެ އެނދުމަތީގައި އޮންނަން ޖެހުމުގެ ސަބަބުން ވަޒީފާއެއް އަދާނުކުރެވި ދިރިއުޅުމަށް ބޮޑެތި ގޮންޖެހުން ތަކެއް ކުރިމަތި ވެފައިވާއިރު، ކިޑްނީ ވިއްކިކަން މަންމައަށް އެނގުމުން އެކަން ޕޮލިހަށް ރިޕޯޓްކުރި އެވެ.

އެ މައްސަލަ ފުލުހުން ތަޙުޤީޤުކޮށް، އެކަމުގައި ބައިވެރިވި މީހުންނާއި ޑޮކްޓަރުންނަށް އަދަބުދީފައިވާއިރު، އެ އާއިލާއަށް ވަނީ ބަދަލެއްގެ ގޮތުން 169،000 ޕައުންޑް ދީފައެވެ.