ހައުސިން މިނިސްޓްރީގެ މެންޑޭޓަށް ބަދަލު ގެނެސްފި
8 ޖެނުއަރީ 2019 | އަންގާރަ 08:12ހައުސިން މިނިސްޓްރީން ކުރިއަށް ގެންދާނީ ބޯހިޔާވަހިކަމާ ގުޅޭ މަސައްކަތްތައް
ހައުސިން މިނިސްޓަރު އާތިފާ ޝަކޫރު: ހައުސިން މިނިސްޓްރީ އާއި ނެޝަނަލް ޕްލޭނިން މިނިސްޓްރީގެ މެންޑޭޓަށް ވަނީ ބަދަލުތަކެއް ގެނެސްފައި
ހައުސިން މިނިސްޓްރީގެ މެންޑިޑޭޓަށް ބަދަލުތަކެއް ގެނެސް، ދެ މިނިސްޓްރީގެ މެންޑޭޓްގެ ފުށޫއެރުން ނައްތާލައިފި އެވެ.
ރައީސް އޮފީހުގެ ތަރުޖަމާން އިބްރާހިމް ހޫދު ވިދާޅުވީ އާބަން ޑިވެލޮޕްމަންޓްގެ ހުރިހާ ފަންގްޝަންތައް ހައުސިން މިނިސްޓްރީގެ މެންޑިޑޭޓުން ނަގާފައިވާ ކަމަށެވެ.
ކުރިން އެ މިނިސްޓްރީގައި އޮތް އާބަން ޑިވެލޮޕްމެންޓް މެންޑޭޓް ބަދަލުކޮށްފައި ވަނީ، މިނިސްޓްރީގެ އޮފް ނެޝަނަލް ޕްލޭނިން އެންޑް އިންފްރާސްޓަރަކްޗާ އަށެވެ.
ދެމިނިސްޓްރީގެ މެންޑިޑޭޓަށް މިގެނެވުނު ބަދަލާ ގުޅިގެން ހައުސިން މިނިސްޓްރީން ބަލަހައްޓާނީ ބޯހިޔާވަހިކަމާއި، ގެދޮރުވެރިކަމާއި ގުޅޭ މަސައްކަތްތައް ކަމަށެވެ.
މި ބަދަލު ގެނައީ ކީއްވެގެން ކަމެއް ހޫދު ވިދާޅެއް ނުވެ އެވެ. ނަމަވެސް މި ގެނެވުނު ބަދަލާ ގުޅިގެން ހައުސިން މިނިސްޓްރީ އާއި ޕްލޭނިން މިނިސްޓްރީގެ މެންޑޭޓްގައި ކުރިން ހުރި ފުށުއެރުންތައް ހައްލުވެގެންދާނެ އެވެ.
