އިމާރާތަކުން ވެއްޓުނު ލަކުޑި ބުރިއަކުން ޖެހި މީހަކު ޒަހަމްވެއްޖެ
ލަކުޑި ބުރި ވެއްޓުނު ވަގުތު އެސައިޓްގައި މީހަކު ފެންނާކަށް ނެތް
ލަކުޑިބުރި ވެއްޓުނު ސައިޓް
ކޮންސްޓްރަކްޝަން ސައިޓަކުން ވެއްޓުނު ލަކުޑިބުރިއަކުން ޖެހި މީހަކު ޒަހަމްވެއްޖެއެވެ
ކޮންސްޓްރަކްޝަން ސައިޓުން ވެއްޓުނު ލަކުޑިބުރިން ޖެހި ޒަހަމްވެފައިވަނީ ގދ ތިނަދޫ އަށް ނިސްބަތްވާ އަހުމަދު މުހައްމަދެވެ. އޭނާގެ އާއިލާގެ ފަރާތުން ވާހަކަ ދެއްކި އިބްރާހިމް މުހައްމަދު ބުނީ ލަކުޑިބުރިން ބޮލުގައި ޖެހި ދޮޅު އިންޗިއަށް އަހުމަދުގެ ބޯ ފަޅައިގެން ދިޔަ ކަމަށާއި އަދި އެވަގުތު އޭނާ ހޭނެތުނު ކަމަށެވެ.
އިބްރާހިމް ބުނީ ލަކުޑިބުރި ވެއްޓުނު ވަގުތު އެސައިޓްގައި މީހަކު ފެންނަން ނެތް ކަމަށާއި އެއީ އެތަނުގައި މަސައްކަތްނުކުރާ ވަގުތެއް ކަމަށެވެ. އަދި އެސައިޓްގައި މަސްކަތްކުރާ ބޯޑު ޖަހާފައި ނެތް ކަމަށާއި އިމާރާތް ވަށައިގެން ފެންސު ޖަހާފައި އޮތްއިރު އެއްކޮށް ކަވަރު ނުވާ ތަންތަން ހުރިކަން ފާހަގަ ކުރެވިފައިވާ ކަމަށެވެ.
ލަކުޑިބުރި ވެއްޓިފައި ވަނީ މ. މަޑުވިލުގައި ހަދަމުންދާ އިމަރާތުގެ މަތިން ކަމަށް މައުލޫމާތު ލިބިފައި ވެއެވެ.
މި ހާދިސާ ހިނގާފައި މި ވަނީ އިމާރާތްކުރަމުން ދިޔަ ތަނަކުން ވެއްޓުނު ސިމެންތި ބަސްތާއަކުން ޖެހި މިދިޔަ މަހުގެ ތެރޭގައި ކުޑަކުއްޖަކު މަރުވެފައި ވަނިކޮށެވެ. އަދި އެ ހަދިސާއާ ގުޅިގެން މިފަދަ ތަންތަން އިންސްޕެކްޓްކޮށް އުސޫލުތައް ވަރުގަދަކޮށް މޮނިޓަކުރުން އިތުރުކޮށްފައިވާ ދަނޑިވަޅެއްގައެވެ.
