ފަޅުން ނުކުންނަން އުޅުނު ދޯންޏެއް ނެރުމައްޗަށް އަރައިފި
ނެރަށް އަރާފައިވަނީ އަބާރަނާ ނަމަކަށް ކިޔާ ދޯންޔެއް
ފަޅުން ނުކުންނަން އުޅުނު ދޯންޏެއް ނެރުމައްޗަށް އެރި ދޯނި
ށ. ނޫމަރާ ފަޅުން ނުކުންނަން އުޅުނު ދޯންޏެއް ނެރުގެ ފައިކައްޓައް އަރައިފިއެވެ.
އެމްއެންޑީއެފް އިން ބުނެފައި ވަނީ 50 ފޫޓުގެ އަބާރަނާ ނަމަކަށް ކިޔާ ދޯންޏެއް ނެރުގެ ފައިކަށްޓައް އަރައިގެން އުޅޭކަމުގެ މައުލޫމާތު ލިބުމާ ގުޅިގެން އެމްއެންޑީއެފް ނޮދާރން އޭރިއާ ކޯސްޓް ގާޑުން ހަރަކާތްތެރިވަމުންދާ ކަމަށެވެ.
އެ ހާދިސާގެ ރިޕޯޓް ލިބިފައި ވަނީ ހޮނިހިރު ދުވަހުގެ މެންދުރު 12:34 ގައި ކަމަށާއި އެހީތެރިކަން ފޯރުކޮށްދިނުމައްޓަކައި އަބާރާނާ ދޯނީގެ ވެރި ފަރާތުން ފޮނުވި އެހެން ދޯންޏެއް ވެސް އެ ސަރަހައްދުގައި ހަރަކާތްތެރިވަމުންދާ ކަމަށް އެމްއެންޑީއެފުން ވަނީ ބުނެފައެވެ. މީގެ އިތުރުން އެމްއެންޑީއެފުން ބުނެފައި ވަނީ ދޯނި ދިޔަވަމުން ދިއުމާ ގުޅިގެން ދޯނި ފުންކުރުމަށް ކަންނެލި ދޯންޔެއްގެ ކަފުޖަހައިގެން މަސަތްކަތް ކުރަމުންދާ ކަމަށެވެ.
މި ދުވަސްވަރުގައި މޫސުން ގޯސްވެ ކަނޑުގަދަވުމުގެ ސަބަބުން ކަނޑުމަތީގެ ހާދިސާ ގިނަވަމުންދާތީ ކަނޑުދަތުރުކުރަމުން ދާ ފަރަތްތަކުން ސަމާލުކަންދިނުމަށް އެމްއެންޑީއެފް ވަނީ އިލްތިމާސްކޮށްފައެވެ.
