އުތުރު ކޮރެއާއިން އިޓަލީއަށް ކަނޑައަޅުއްވާފައި ހުންނެވި ސަފީރު ގެއްލިއްޖެ
3 ޖެނުއަރީ 2019 | ބުރާސްފަތި 19:17ޖޯ ސޮންގ ގިލް ހުޅަނގުގެ ގައުމަކުން ހިމާޔަތް ހޯއްދެވިކަމަށް ރިޕޯޓްތައް ބުނޭ
އިޓަލީގައި ހުންނަ އުތުރު ކޮރެއާގެ އެމްބަސީ | ރޮއިޓަރސް
އުތުރު ކޮރެއާއިން އިޓަލީއަށް ކަނޑައަޅުއްވާފައި ހުންނެވި އެމްބަސެޑަރ ގެއްލިފައިވާކަމަށް ދެކުނު ކޮރެއާގެ ޖާސޫސީ އިދާރާއިން އުތުރުކޮރެއާގެ އިދާރަތަކުގައި ބުނެފިއެވެ.
މިވާހަކަ އައިސްފައި މިވަނީ އިޓަލީގައި ހުންނަވާ ޕިޔޯންގަޔަންގްގެ އެންމެ އިސް ޑިޕްލޮމޭޓް ޖޯ ސޮންގ ގިލް ހުޅަނގުގެ ގައުމަކުން ހިމާޔަތް ހޯއްދެވިކަމަށް ލިބުނު ރިޕޯޓްތަކަކަށްފަހު އެވެ.
ރޯމްއަށް ކަނޑައަޅުއްވާފައި ހުންނެވި އެކްޓިންގ އެމްބަސެޑަރ އަކީ އުތުރު ކޮރެއާގެ އިސް އޮފިޝަލެއްގެ ދަނބިދަރިއެކެވެ.
އުތުރު ކޮރެއާގެ އިސް ޑިޕްލޮމޭޓަކު އެންމެ ފަހުން މަގާމު ދޫކޮށްލައްވައި އެހެން ގައުމަކުން ހިމާޔަތް ހޯއްދެވި ބޭފުޅަކީ ލަންޑަންގައި ހުންނެވި އެމްބަސެޑަރއެވެ.
ތައި ޔޮންގ ހޯ އެ ގައުމު ދޫކޮށް ފިއްލަވާފައިވަނީ 2016 ވަނަ އަަހަރުއެވެ. އަނބިކަނބަލުންނާއި ބޭފުޅުންނާއެކު އޭނާ ވަޑައިގެންނެވީ ދެކުނު ކޮރެއާއަށެވެ.
ޖޯ ސޮންގ ގިލްގެ މަގާމުގެ ދައުރު މިދިޔަ ނޮވެމްބަރ މަހު ހަމަވާނެކަމަށް ރިޕޯޓްތައް ބުނެއެވެ. އަދި ޑިޕްލޮމެޓިކް އޮފީހުން އެ މަހުން ފެށިގެން ގެއްލިވަޑައިގެންފައިވާކަމަށްވެއެވެ.
