ކަޕިލް ޝަރްމާގެ ކައިވެނީގެ ހަފްލާ މުމްބާއީގައި ބާއްވައިފި
25 ޑިސެމްބަރު 2018 | އަންގާރަ 10:39މި ދެ މީހުންގެ ކައިވެނީގެ ހަފްލާގެ ފޮޓޯތައް ވަނީ ސޯޝަލް މީޑިއާގައި ހިއްސާކޮށްފައި
ކަޕިލް ޝަރްމާ އާއި އަންހެނުން
ބޮލީވުޑްގެ މަޝްހޫރު ކޮމޭޑިއަން ކަޕިލް ޝަރްމާ އާއި ގިއްނީ ޗަޓްރަތުގެ ކައިވެނީގެ ދެވަނަ ހަފްލާ މުމްބާއިގައި ބާއްވަފައިއެވެ.
ހޯމަ ދުވަހުގެ ރޭ ޖޭޑްބްލިއު މެރިއޮޓްގައި ބޭއްވި މި ހަފްލާއަށް ދައުވަތު ދީފައި ވަނީ އެ ދެ މީހުންގެ އެކުވެރިންނަށާއި އިންޑަސްޓްރީގައި މަސައްކަތްކުރާ މީހުންނަށެވެ.
އެ ދެ މީހުންގެ ކައިވެނީގެ މި ހަފްލާގެ ފޮޓޯތައް ވަނީ ސޯޝަލް މީޑިއާގައި ހިއްސާކޮށްފައެވެ.
ކަޕިލް އާއި އޭނާގެ ލޯބިވެރިޔާ ގިއްނީ ކައިވެނި ކޮށްފައި ވަނީ މި ހިނގާ ޑިސެމްބަރު މަހުގެ 12 ވަނަ ދުވަހު ޖަލަންދާރުގައެވެ.
ކަޕިލް އާއި ގިއްނީ ރައްޓެހިވެގެން އުޅޭކަން އިއުލާންކޮށްފައި ވަނީ މިދިޔަ އަހަރުގެ މާޗްމަހުއެވެ. އެ ދެ މީހުން ބައްދަލުވެފައި ވަނީ ކަޕިލް މަސައްކަތް ކުރަމުންދިޔަ ހަސްބަލިޔޭ ކިޔާ ކޮމެޑީ ޝޯއަކުންނެވެ.
ކަޕިކް ކައިވެނިކޮށްފައިވާ އިރު ދުވަސްކޮޅެއްގެ މެދުކެނޑުމަކަށް ފަހު އޭނާގެ ޝޯ "ދަ ކަޕިލް ޝަރުމާ ޝޯ" އަންނަ ހަފުތާގެ ހޮނިހިރު ދުވަހު ސޮނީން ދައްކަން ފަށާނެއެވެ. މި ޝޯ މެދުކެނޑިގެން ދިޔައި ކަޕިލް އާއި އެ ޝޯގައި ހަރަކާތްތެރިވާ ބައެއް ތަރިންނާ ދެމެދު ޖެހުނު މައްސަލަތަކަށް ފަހު އެ ފަންނާނުން ޝޯ ދޫކޮށްލުމުންނެވެ. އޭގެ ފަހުން ޝޯ ކުރިއަށް ގެންދަން މަސައްކަތްކުރި ނަމަވެސް ތަފާތު އެކި ސަބަބުތްކާ ހުރެ ޝޯ ވަނީ ހުއްޓިފައެވެ. ފަހުން ކަޕިލް ވަނީ ސޮނީއާ އެކު "ފެމިލީ ޓައިމް ވިތު ކަޕިލް ޝަރުމާ" ގެ ނަމުގައި މި އަހަރުގެ މާޗް މަހު ޝޯއެއް ފަށާފައެވެ. ނަމަވެސް ތިން އެޕިސޯޑަށް ފަހު އެ ޝޯ ވަނީ ހުއްޓާލާފައެވެ. އަދި ސިއްހީ ހާލަތު ހުރި ގޮތުން ދިގު ބްރޭކެއް ނެގުމަށް ފަހު ހޮނިހިރު ދުވަހު އެނބުރި އަންނަ އިރު އޭނާގެ ހަށިގަނޑަށް ވަނީ ބޮޑެތި ބަދަލުތަކެއް އައިސްފައެވެ.
