މޮރޮކޯގައި ދެ ފަތުރުވެރިންގެ ކަރު ބުރި ކޮށްލި މައްސަލައިގައި ތިން މީހަކު ހައްޔަރުކޮށްފި
22 ޑިސެމްބަރު 2018 | ހޮނިހިރު 16:25މި ދެ މީހުން މަރާލިތަން ދައްކުވައިދޭ ކަމަށް ބުނާ ވީޑިއޯއެއް މީސް މީޑިއާގައި އާއްމު ވުމާއި ގުޅިގެން ޑެންމާކުގެ ސެކިއުރިޓީ އެންޑް އިންޓެލިޖެންސްއިން ވަނީ އެ ވީޑިއޯ ދިރާސާކޮށްފަ
އެ މީހުން ފެނުނު އެޓްލަސް ފަރުބަދަ މަތީ ސަރަހައްދު
މޮރޮކޯގެ އެޓްލަސް ފަރުބަދަ ސަރަހައްދުގައި އަންހެން ދެ ފަތުރުވެރިއެއްގެ ކަރު ބުރި ކޮށްލާފައި އޮތްވާ ފެނުނު މައްސަލައިގައި އެ ގައުމުގެ ތިން މީހަކު ހައްޔަރު ކޮށްފިއެވެ.
ކަރު ބުރި ކޮށްލާފައި އޮއްވާ ފެނުނީ ޑެންމާކަށް ނިސްބަތްވާ ލުއިސާ ޖެސްޕަރސަންއާއި ނޯވޭގެ މަރެން އޫލެންޑްއެވެ. މި ދެ މީހުންވެސް އެންމެ ފަހުން ފެނިފައި ވަނީ އެ މީހުން ތިބި މަރަކޭޝްގެ ހޮޓެލް ތެރެއިން ތިން ފިރިހެނުންނާއި އެކުގައެވެ. އެ މީހުން ފެނުނީ މީހުން ނޫޅޭ އިމްލީލް ސަރަހައްދުންނެވެ.
މި ދެ މީހުން މަރާލިތަން ދައްކުވައިދޭ ކަމަށް ބުނާ ވީޑިއޯއެއް މީސް މީޑިއާގައި އާއްމު ވުމާއި ގުޅިގެން ޑެންމާކުގެ ސެކިއުރިޓީ އެންޑް އިންޓެލިޖެންސްއިން ވަނީ އެ ވީޑިއޯ ދިރާސާކުރަމުން ދާ ކަން ސީއެންއެންއަށް ކަށަވަރު ކޮށްދީފައެވެ.
މޮރޮކޯގެ ފުލުހުން ބުނެފައިވަނީ ޓެރަރިސްޓު އަމަލެއް ކަމަށް ޝައްކު ކުރެވޭތީ އެ މައްސަލަ އިތުރަށް ތަހުގީގު ކުރަމުންދާ ކަމަށެވެ.
ހައްޔަރު ކުރެވުނު ތިން މީހުންނަކީ އުމުރުން 25 އާއި 33 އަހަރާއި ދެމެދުގެ ފިރިހެނުން ކަމަށް މޮރޮކޯގެ ދައުލަތުގެ މީޑިއާ، އެމްޓޫއިން ވަނީ ހާމަކޮށްފައެވެ.
މޮރޮކޯއަކީ ދުނިޔޭގެ ހުރިހާ ހިސާބެއްގެ ފަތުރުވެރިންގެ މެދުގައި މަގްބޫލު މަންޒިލެކެވެ. ހާއްސަކޮށް އެ ގައުމުގެ މަރަކޭޝްއާއި ކަސަބްލަންކާއަކީ އެ ތަން ތަނުގެ ރީތި އިމާރާތްތަކާއި މިސްކިތްތަކުގެ ފަރުމާގެ ސަބަބުން މުޅި ދުނިޔެއަށް މަޝްހޫރު ވެފައިވާ އަވަށްތަކެވެ.
