ގެނބިގެން މަރުވި ކުއްޖާގެ އާއިލާއާ ނައިބު ރައީސް ބައްދަލު ކުރައްވައިފި

ދަތުރު ގޮސް އުޅެނިކޮށް ގެނބިގެން މަރުވި ހދ. ނޮޅިވަރަންފަރު ކުއްޖާގެ އާއިލާގެ މެމްބަރުންނާ ނައިބު ރައީސް ފައިސަލް ނަސީމް ބައްދަލު ކުރައްވައިފިއެވެ.

ހދ. އަތޮޅުގެ ބައެއް ރަށްރަށަށް ނައިބު ރައީސް ކުރައްވަމުން ގެންދަވާ ދަތުރުފުޅުގައި ނޮޅިވަރަންފަރަށް ވަޑައިގެން، މޫދަށް އެރި އުޅެނިކޮށް ގެނބިގެން މަރުވި ފަސް އަހަރުގެ ޝިފާން ބިން މުހައްމަދުގެ އާއިލާއާ ބައްދަލުކުރައްވައި ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހްގެ ތައުޒިޔާ ދަންނަވައިފަ އެވެ.

ނައިބު ރައީސް ފައިސަލް އިތުރުން މިނިސްޓަރ އޮފް ޖެންޑަރ، ފެމިލީ އެންޑް ސޯޝަލް ސާރވިސަސް ސިދާތާ ޝަރީފްވެސް ވަނީ އެ އާއިލާއާ ބައްދަލުކުރައްވައި ތައުޒިޔާ ކިޔުއްވާފައެވެ.

ފަސް އަހަރުގެ ޝިފާން ދިއްދޫ ހޮސްޕިޓަލަށް ގެންދިޔަ އިރުވެސް އޮތީ މަރުވެފަ އެވެ.