ޖާންވީ އާއި ލޯބީގެ އެއްވެސް ގުޅުމެއް ނޯވޭ: އިޝާން

"ދަޅަކް" ފިލްމުން މަޝްހޫރުވި ދެ ތަރިން ކަމުގައިވާ އިޝާން ހައްތަރުއާއި ޖާންވީ ކަޕޫރުގެ ލޯބީގެ ގުޅުމެއް ނޯންނާނެ ކަމަށް އިޝާން ބުނެފިއެވެ.

ބޮލީވުޑްގެ ހަބަރުތައް ގެނެސްދޭ "ޕިންކްވިލާ" އަށް ދިން އިންޓަވިއުއެއްގައި އިޝާން ބުނެފައިވަނީ ކަރަން ޖޯހަރުގެ "ކޮފީ ވިތް ކަރަން"ގައި ޖާންވީއާއި އެކު އޮތް ލޯބީގެ ގުޅުމުގެ ސުވާލު އެހުމުން ޖަވާބު ދީފައި ވާނެ ކަމަށެވެ.

މީގެ ކުރިން ޖާންވީ ވަނީ "ކޮފީ ވިތް ކަރަން" ގައި އިޝާންއާއެކު ލޯބީގެ ގުޅުމެއް ނޯންނާނެ ކަމަށް ބުނެފައެވެ. ނަމަވެސް ޖާންވީ ވަނީ އިޝާންއާއި އެކު ގިނަ ވަގުތު ހޭދަ ކުރެވެނީ މަސައްކަތް ކުރަން ފަސޭހަ ކަމުން ކަމަށް ކުރިން ބުނެފައެވެ.

ޖާންވީއާއި އިޝާން ވަނީ ދަޅަކްގައި މަސައްކަތް ކުރުމުގެ އިތުރުން، މަޝްހޫރު މަޖައްލާތައް ކަމުގައިވާ ފިލްމްފެއާއާއި ހަރޕަރޒް ބާޒާރުގެ ބޭރު ގަނޑުން ވެސް އެކީގައި ފެނިފައެވެ.

އިޝާންއަކީ އިންޑިއާގެ ޓީވީ ސިލްސިލާތަކުން މަޝްހޫރު ދެ ތަރިން ކަމުގައިވާ ނީލިމާ އަޒީމްއާއި ރާޖޭޝް ހައްތަރުއާއި ދެ މީހުންގެ ދަރިއެކެވެ. އަދި އޭނާއަކީ ބޮލީވުޑްގެ ތަރި ޝާހިދް ކަޕޫރުގެ އެއް ބަނޑު ކޮއްކޮއެކެވެ.