އަށް ސަފީރަކަށް ރައްޔިތުންގެ މަޖިލީހުން ރުހުން ދީފި
12 ޑިސެމްބަރު 2018 | ބުދަ 12:14ގައުމީ ސަލާމަތު ކޮމިޓީން ވަނީ މިބޭފުޅުންނަށް ރުހުން ދިނުމަށް ފާސްކޮށްފައި
ރައްޔިތުންގެ މަޖިލީހުގެ ޖަލްސާ
ބޭރު ގައުމުތަކާއި އދ. އާއި ޔޫރަޕިއަން ޔޫނިއަން (އީޔޫ) އަށް ރާއްޖޭގެ ފަރާތުން ކަނޑައަޅުއްވާފައިވާ ސަފީރުންނަށް ރުހުން ހޯދަން ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހު ރައްޔިތުންގެ މަޖިލީހަށް ފޮނުއްވި 8 ބޭފުޅުންނަށް މަޖިލީހުން ރުހުން ދީފިއެވެ.
ބުދަ ދުވަހު ބޭއްވި ރައްޔިތުންގެ މަޖިލީހުގެ ޖަލްސާގައި ސަފީރުންނަށް ރުހުންދީފައިވާއިރު މިމައްސަލަ ދިރާސާކުރި ގައުމީ ސަލާމަތު ކޮމިޓީންވެސް ވަނީ މިބޭފުޅުންނަށް ރުހުން ދިނުމަށް ފާސްކޮށްފައެވެ.
ސަފީރުކަމަށް އައްޔަނުކުރުމަށް މަޖިލީހުން ރުހުން ދިން ބޭފުޅުންނަކީ ބްރަސަލްސްއަށް ރާއްޖެއިން ކަނޑައަޅާފައި ހުންނަވާ ސަފީރުކަމަށް ގ.ފިޔާތޮށިގެ ހަސަން ޞާބިރާއި، އިންޑިއާއަށް ރާއްޖެއިން ކަނޑައަޅާފައި ހުންނަވާ ސަފީރު ކަމަށް ހ.ދޫރިހާ އާއިޝަތު މުޙައްމަދުދީދީ އާއި ސިންގަޕޫރަށް ރާއްޖެއިން ކަނޑައަޅާފައި ހުންނަވާ ސަފީރު ކަމަށް ދަފްތަރު، ޑރ. އަބްދުﷲ މަޢުޞޫމާއި، ޖަރުމަނުވިލާތަށް ރާއްޖެއިން ކަނޑައަޅާފައި ހުންނަވާ ސަފީރު ކަމަށް ހ.ސީވީޑް އަޙްމަދު ލަޠީފާއި، އިނގިރޭސިވިލާތަށް ރާއްޖެއިން ކަނޑައަޅާފައި ހުންނަވާ ސަފީރުކަމުގެ މަގާމަށް ހ.އަމީނީގެ ޑޮކްޓަރު ފަރަހަނާޒް ފައިޞަލް އާއި، އެކުވެރި ދައުލަތްތަކުގެ ޖަމްއިއްޔާ އދ އަށް ރާއްޖެއިން ކަނޑައަޅާފައި ހުންނަވާ ދާއިމީ މަންދޫބު، އަދި ޔުނައިޓެޑް ސްޓޭޓްސް އޮފް އެމެރިކާއަށް ރާއްޖެއިން ކަނޑައަޅާފައި ހުންނަވާ ސަފީރުގެ މަޤާމަށް މ.ނޫހިރި ތިލްމީޛާ ޙުސައިންނާއި، މެލޭޝިޔާއަށް ރާއްޖެއިން ކަނޑައަޅާފައި ހުންނަވާ ސަފީރު ކަމަށް ހ.އާޒާދެވާދީ ވިސާމް އަލީ އާއި ޑިމޮކްރެޓިކް ސޯޝަލިސްޓް ރިޕަބްލިކް އޮފް ސްރީލަންކާއަށް ރާއްޖެއިން ކަނޑައަޅާފައި ހުންނަވާ ސަފީރު ކަމަށް ހ.ހިކިފިނިފެންމާގެ އުމަރު އަބްދުއްރައްޒާޤެވެ.
މި 8 ސަފީރުންގެ ދެބައިކުޅަ އެއް ބަޔަކީ އަންހެން ބޭފުޅުންނެވެ. އަދި ސަފީރުކަމަށް އައްޔަން ކުރެއްވި ބައެއް ބޭފުޅުން މީގެ ކުރިންވެސް ސަފީރުކަން ކުރައްވާފައިވާއިރު، ހުރިހާ ބޭފުޅުންނަކީވެސް ސިޔާސީ ނުވަތަ ޑިޕްލޮމެޓިކް ދާއިރާގެ ތަޖުރިބާ ހުރި ބޭފުޅުންނެވެ.
