އެމްޑީޕީގެ އެތެރޭގެ އިންތިޚާބުތަކުގެ ވޯޓްލުން ނިންމާލައިފި
8 ޑިސެމްބަރު 2018 | ހޮނިހިރު 16:01މިހާރު ކުރިއަށް ދަނީ ވޯޓް ގުނުމުގެ ފަހު މަރުހަލާ
އެމްޑިޕީގެ ޕްރައިމަރީގެ ވޯޓްލުން ކުރިއަށް ދަނީ
ހުކުރު ދުވަހު ކުރިއަށް ގެންދިޔަ އެމްޑީޕީގެ އެތެރޭގެ އިންތިޚާބުތަކުގެ ވޯޓްލުން ނިންމާލައިފިއެވެ.
މާލެ އާއި އަތޮޅުތެރޭގައި ހުކުރު ދުވަހު ކުރިއަށް ގެންދިޔައީ، އެމްޑީޕީގެ ޒުވާނުންގެ ގޮފީގެ ދާއިރާތަކުގެ ބައެއް މަގާމުތަކާއި އެޕާޓީގެ އަންހެނުންގެ ރޫހުގެ ނާއިބު ރައީސާ އަކު ހޮވުމަށް ބޭއްވުނު ބައި އިލެކްޝަންއެވެ.
ވޯޓްލުން ކުރިއަށް ގެންގޮސްފައި ވަނީ މެންދުރުފަހު 2.00 އިން ފެށިގެން ރޭގަނޑު 7.00 އާއި ހަމައަށެވެ.
އިންތިޚާބު ގެ ވޯޓްލުން ނިންމާލުމަށް ފަހު މިހާރު ކުރިއަށް ދަނީ ވޯޓް ގުނުމުގެ މަސައްކަތެވެ. އެމްޑީޕީގެ އިންތިޚާބުތަކާއި ބެހޭ ކޮމިޓީގެ މުގައްރިރު މުހައްމަދު މަނިކު ވިދާޅުވީ، ރާއްޖޭގެ އެކި ސަރަހައްދު ތަކުގައި މި ވޯޓްގެ ކަންކަން ކުރިއަށް ދިޔައީ ވަރަށް އަމާން ކަމާއި ފޯރި އާއި އެކުގައި ކަމަށެވެ.
މަނިކު ވިދާޅުވީ، ވޯޓްގުނުމުގެ މަސައްކަތް މިރޭގެ ވަގުތެއްގައި ނިންމާލައި، ވަގުތީ ނަތީޖާ ވެސް މިރޭގެ ވަގުތެއްގައި އިއުލާނުކުރެވޭ ވަރު ވާނޭކަމަށެވެ. އަދި ދާއިމީ ނަތީޖާ ވެސް ވަރަށް އަވަހަށް އިއުލާނު ކުރައްވާނެ ކަމަށް އޭނާ ވިދާޅުވިއެވެ.
