މިހިނގާ ޑިސެމްބަރު މަހުގެ 2 ވަނަ ދުވަހުގެރޭ ބޮލީވުޑްގެ ފަންނާނުންނަށް ދިޕިކާ ޕަދުކޯން އާއި ރަންވީރު ސިންގްގެ ކައިވެނީ ހަފްލާއެއް ވަނީ ބާއްވާފައެވެ.
އެ ހަފްލާގައި ބޮލީވުޑް ގެ ގިނަ ތަރިންނާއި ފިލްމް އިންޑަސްޓްރީގައި މަސައްކަތް ކުރާ ގިނަ ފަންނާނުން ވަނީ ބައިވެރި ވެފައެވެ. އަމީތަބް ބަޗަން، ޝާހުރުކް ޚާން، ކެޓްރީނާ ކެފިފްގެ އިތުރުން ވެސް ގިނަ ސްޓާރުން ފެނިގެންދިޔަ މި ހަފްލާގައި ސަލްމާން ޚާން ބައިވެރި ވެފައެއް ނުވެއެވެ.
އޭނާ ބައިވެރިވެފައި ނުވަނީ އޭނާ ތައިލެންޑްގައި އޮތް ކައިވެނީގެ ހަފްލާއަކަށް ދިއުމުންނެވެ.
ސަލްމާން ވަނީ އެކައިވެނީގެ ހަފްލާގެ ވީޑިއޯ އޭނާގެ އިންސްޓަގްރާމްގައި ހިއްސާކޮށްފައެވެ. އެ ވީޑިއޯގައި ފެނިގެންދަނީ ކުޅެފައިވާ ފިލްމް "ޖަބް ޕިޔާރު ކިޔާތޯ ޑަރްނާ ކިޔާ" ގެ އޮއްއޯ ޖާނެ ޖާނާ މި ލަވަ ކަމާލް ޚާން ކިޔަމުން ދިޔައިރު ލަވަ ކިޔުމުގައި ބައިވެރި އޭނާއާއި އެކު އެލަވަ ކިޔާ ލަވައިގެ ބައެއް ސްޓެޕްތައް ހަދަމުންދިޔަ މަންޒަރެވެ.
މީގެ އިތުރުން ގިނަ ވީޑިއޯތަކުގައި ސަލްމާން ގިނަ ލަވަތަކަށް ނަށަމުންދާ މަންޒަރު ވަނީ ފެނިގެން ގޮސްފައެވެ. އަދި ބައެއް ޕޮޓޯތަކުގައި ބްރައިޑް އާއި ގްރޫމް އާއި އެކުގައި ވެސް ސަލްމާން ވަނީ ފެނިގެން ގޮސްފައެވެ.
ސަލްމާން މިވަގުތު ދަނީ އޭނާގެ އަންނަން އޮތް ފިލްމް "ބާރަތް" ގެ ޝޫޓިންތައް ކުރިއަށް ގެންދަމުންނެވެ. އެ ފިލްމްގައި ސަލްމާން އާއި އެކު ފެނިގެންދާނީ ކެޓްރީނާ އަދި ސުނިލް ގްރޯވާ އެވެ.
