މަނަދޫ ދާއިރާގެ މެމްބަރު އުމަރު ހުސައިން ޖޭޕީއަށް ސޮއިކުރައްވައިފި
29 ނޮވެމްބަރު 2018 | ބުރާސްފަތި 16:13އުމަރު މަޖިލީހަށް އިންތިހާބު ވެވަޑައިގެންނެވީ އެމް.ޑީ.އޭ ގެ ޓިކެޓުގައި
މަނަދޫ ދާއިރާގެ މެމްބަރު އުމަރު ހުސެއިން ޖުމްހޫރީ ޕާޓީ އަށް ސޮއިކުރެއްވުން
ރައްޔިތުންގެ މަޖިލީހުގެ މަނަދޫ ދާއިރާގެ މެމްބަރު އުމަރު ހުސެއިން ޖުމްހޫރީ ޕާޓީ (ޖޭޕީ) އަށް ސޮއިކުރައްވައިފިއެވެ.
އެމް.ޑީ.އޭ ގެ ޓިކެޓުގައި މަޖިލީހަށް އިންތިހާބު ވެވަޑައިގެންނެވި އުމަރު ޖުމްހޫރީ ޕާޓީއާ ގުޅިވަޑައިގެންނެވިކަން ޖުމްހޫރީ ޕާޓީގެ ޕާލިމެންޓްރީ ގްރޫޕްގެ ލީޑަރު އަބްދުﷲ ރިޔާޒު މިއަދު ކުރެއްވި ޓްވީޓެއްގައި ވަނީ އިއުލާނުކުރައްވާފައެވެ. އެ ޓްވީޓުގައި ރިޔާޒު ވަނީ އުމަރުއަށް މަރުހަބާ ދަންނަވާފައެވެ.
އުމަރުގެ އިތުރުން އެ ޕާޓީއަށް ދާދި ފަހުން ސޮއި ކުރެއްވި ބައެއް ބޭފުޅުންގެ ތެރޭގައި ފުވައްމުލަކު އުތުރު ދާއިރާގެ މަޖިލިސް މެމްބަރު އަލީ ޝާހު އާއި ގުރައިދޫ ދާއިރާގެ މެމްބަރު ހުސެން މަނިކު ދޮންމަނިކު ހިމެނެއެވެ. މީގެ އިތުރުން ބިލެއްދޫ ދާއިރާގެ މެމްބަރު އަހްމަދު މުބީންއާއި، ހަނިމާދޫ ދާއިރާގެ މެމްބަރު ހުސެއިން ޝަހުދީވެސް ވަނީ ދާދިފަހުން ޖޭޕީއަށް ސޮއިކުރައްވާފައެވެ.
