ފޯން ކޯލަކުން ސައިކަލް އިންޝުއަރެންސް ކޮށްދިނުމުގެ ހިދުމަތް ފަށައިފި
ޓްރިޕްލްއެސްގެ ފަރާތުން ކޮންސަލްޓަންސީ ހިދުމަތް ހިލޭ ލިބިގެންދާނެ
ޓްރިޕްލްއެސް އިންޝުއަރެންސްގެ ސީނިއަރ އެގްޒެކްޓިވް ރިހުޝާން ހަސަން
ޓްރިޕްލްއެސް އިންޝުއަރެންސް ސާރވިސަސް ޕްރައިވެޓް ލިމިޓެޑްގެ ފަރާތުން ކޯލަކުން ކަސްޓަމަރުންނަށް އިންޝުއަރެންސްގެ ހިދުމަތް ލިބޭ ޕްރޮމޯޝަނެއް ފަށައިފިއެވެ.
މި ޕްރޮމޯޝަންގައި ކަނޑައެޅިފައިވާ ނަންބަރަށް ގުޅުމުން މޮޓޯ ސައިކަލްގެ އިންޝުއަރެންސްގެ ސްޓިކާ ކަސްޓަމަރުންނާއި ހަމައަށް ފޯރުކޮށްދެވިގެންދާނެއެވެ.
ޓްރިޕްލްއެސް އިންޝުއަރެންސްގެ ސީނިއަރ އެގްޒެކްޓިވް ރިހުޝާން ހަސަން ވިދާޅުވީ މި ޕްރޮމޯޝަންގެ ސަބަބުން ކަސްޓަމަރުންނަށް އެ ކުންފުނި މެދުވެރިކޮށް ހިދުމަތް ލިބިގަންނަން ފަސޭހަވެގެންދާނެ ކަމަށެވެ.
ރިހުޝާން އިތުރަށް ވިދާޅުވީ މި އަހަރު އެ ކުންފުނިން ކުރުމަށް ކަނޑައަޅާފައިވާ ބައެއް ކަންތައްތަކަކީ އިންޝުއަރެންސް ޕޮލިސީ ތަކާއި ބެހޭ ގޮތުން ކްލައިންޓުން ހޭލުންތެރިކުރުން ކަމުގައެވެ.
ޓްރިޕްލްއެސްގެ ފަރާތުން ކޮންސަލްޓަންސީ ހިދުމަތް ހިލޭ ލިބިގެންދާއިރު މިހާތަނަށް އެ ކުންފުނިން ފަރާތުން އެމްއޭސީއެލް އާއި އައިލެންޑް އޭވިއޭޝަން އަދި އޭޑީކޭ ފަދަ ތަންތަނަށް އެ ހިދުމަތް ފޯރުކޮށްދީފައިވާނެ ކަމަށް އެ ކުންފުނިން ވަނީ ފާހަގަކޮށްފައެވެ.
މި ޕްރޮމޯޝަން އެކުންފުނީގެ ފަރާތުން ފަށާފައިވާއިރު ޕްރޮމޯޝަން ނިންމާލާނެ ދުވަހެއް އަދި ކަނޑައަޅާފައިނުވާ ކަމަށް އެ ކުންފުނިން ބުނެއެވެ.
ޓްރިޕްލްއެސް އިންޝުއަރެންސްގެ ފަރާތުން ފޯރުކޮށްދޭ ބައެއް އިންޝުއަރެންސްތަކަކީ ޕްރޮޕަޓީ އިންޝުއަރެންސް އާއި ފަޔަރ އިންޝުއަރެންސް އަދި ލައިބިލިޓީ އިންޝުއަރެންސްއެވެ.
ގެއްލުމުގެ ބަދަލުގެ ގޮތުގައި މިދިޔަ އަހަރު 20 މިލިއަން އަށްވުރެ ގިނަ ރުފިޔާ އެ ކުންފުނީގެ ފަރާތުން ކަސްޓަމަރުންނަށް ފޯރުކޮށްދީފައިވާނެ ކަމަށް އެ ފަރާތުން ބުންޏެވެ.
