މޯލްޑިވްސް ނެޝަނަލް ޑިފެންސް ފޯސް. އެމްއެންޑީއެފް ގެ އެންމެ ބޮޑު އުޅަނދު ކަމަށްވާ ޝިޕް ހުރަވީ ރާއްޖެ އަތުވެއްޖެއެވެ.
ޝިޕް ހުރަވީ މަރާމާތަށް އިންޑިއާ އަށް ދިޔައީ މިއަހަރުގެ ޖުލައިމަހުއެވެ. ރިފިޓް މަސައްކަތް ނިންމާލާފައިވާއިރު ޝިޕްގެ މަރާމާތަށް ބޮޑެތި މަސައްކަތްތަކެއް ވަނީ ކޮށްފައެވެ.
މިގޮތުން ޝިޕްގެ ހަލް އާއި، ޓޭންކްތަކާއި ކީލް އޭރިއާ މަރާމާތުކޮށް ނިމި ޕްރެޝަރ ޓެސްޓް ކުރުމާއި، ފައިނަލް ޕެއިންޓް ސްކީމް ދުއްވުމުގެ މަސައްކަތްތައް ވަނީ ކޮށްފައިވެއެވެ. މީގެ އިތުރުން، ޝިޕްގެ ތެރޭގައި ހުރި ސިސްޓަމް ތަކާއި އެހެނިހެން އާލާތްތައް އަޕްގުރޭޑް ކުރުމުގެ މަސައްކަތްތައް ވެސް ވަނީ ކުރެވިފައެވެ.
ކޯސްޓްގާޑު ޝިޕް ހުރަވީ ރިފިޓް މަސައްކަތުގައި އެމްއެންޑީއެފް ކޯސްޓްގާޑުގެ ޝިޕްގެ ސިފައިން ޙަރަކާތްތެރިވެފައިވާއިރު، ރިފިޓްގެ މަސައްކަތުގައި އިންޑިއަން ނޭވީގެ ސިފައިން ވެސް ބައިވެރިވެފައިވެއެވެ.
