ރައީސްގެ ދެކަނބަލުން ބޭރުގެ އިއްޒަތްތެރިންގެ ޝަރަފުގައި ރަސްމީ ބައްދަލުކުރެއްވުމެއް ބާއްވަވައިފި
18 ނޮވެމްބަރު 2018 | އާދީއްތަ 01:32މި ބައްދަލުކުރެއްވުން ބާއްވާފައިވަނީ ހޮނިހިރު ދުވަހުގެރޭ ކުރުނބާ މޯލްޑިވްސްގަ
ރައީސްގެ ދެކަނބަލުން ބޭރުގެ އިއްޒަތްތެރިންގެ ޝަރަފުގައި ބޭއްވި ރަސްމީ ބައްދަލުކުރެއްވުމުގެ ތެރެއިން
ހުވައިކުރެއްވުމުގެ ރަސްމިއްޔާތަށް ވަޑައިގެންނެވި ބޭރުގެ އިއްޒަތްތެރިންގެ ޝަރަފުގައި، ރައީސުލްޖުމްހޫރިއްޔާ އިބްރާހިމް މުޙައްމަދު ޞާލިޙާއި އެމަނިކުފާނުގެ އަނބިކަނބަލުން، ފަޒްނާ އަޙްމަދު ރަސްމީ ބައްދަލުކުރެއްވުމެއް ބާއްވަވައިފިއެވެ.
މި ބައްދަލުކުރެއްވުން ބާއްވާފައިވަނީ ހޮނިހިރު ދުވަހުގެރޭ ކުރުނބާ މޯލްޑިވްސްގައެވެ.
މި ބައްދަލުކުރެއްވުމުގައި ރައީސުލްޖުމްހޫރިއްޔާގެ ނައިބު ފައިޞަލް ނާޞީމާއި އެމަނިކުފާނުގެ އަނބިކަނބަލުން ޢާއިޝަތު ޝަމްޞަދާއާއި، ދިވެހިރާއްޖޭގެ ކުރީގެ ރައީސުލްޖުމްހޫރިއްޔާކަން ކުރެއްވި ބޭފުޅުންނާއި، ރައްޔިތުންގެ މަޖިލީހުގެ ރައީސާއި، ދިވެހިރާއްޖޭގެ އުއްތަމަ ފަނޑިޔާރާއި، ވަޒީރުންގެ މަޖިލީހުގެ މެމްބަރުންނާއި، ރައްޔިތުންގެ މަޖިލީހުގެ ބައެއް މެމްބަރުންނާއި، ބޭރު ޤައުމުތަކުގެ ބައެއް އިއްޒަތްތެރިން ބައިވެރިވެވަޑައިގެންނެވިއެވެ.
