މިއަދު މިކުރިމަތިލަނީ އުންމީދުން ފުރިގެންވާ މަރުހަލާއަކާ: ރައީސް މައުމޫން
17 ނޮވެމްބަރު 2018 | ހޮނިހިރު 09:41ރައީސް މައުމޫން ވަނީ އިންތިޚާބީ ރައީސްއަށް ތަހުނިޔާ ފޮނުއްވާފައި
ރައީސް މައުމޫން އިންތިޚާބީ ރައީސް ސޯލިހުއާ އެކު
މިއަދު ރާއްޖެ މިކުރިމަތިލަނީ އުންމީދުން ފުރިގެންވާ މަރުހަލާއަކާ ކަމަށް ކުރީގެ ރައީސް މައުމޫން އަބްދުލްގައްޔޫމް ވިދާޅުވެއްޖެއެވެ.
އިންތިޚާބީ ރައީސް އިބްރާހިމް މުހައްމަދު ސޯލިހަށް މަރުހަބާ ދަންނަވާ ރައީސް މައުމޫން ކުރެއްވި ޓްވީޓެއްގައި ވިދާޅުވީ މިއަދު ރައީސުލްޖުމްހޫރިއްޔާކަމުގެ ހުވާ ކުރައްވާ އިބްރާހިމް މުހައްމަދު ސޯލިހުގެ މަސައްކަތްފުޅުގައި ބަރަކާތްލެއްވުން އެދި ދުއާ ކުރާ ކަމަށެވެ. އަދި އެމަނިކުފާނަށް އިހުލާސްތެރިކަމާ އެކު ތަހުނިޔާ ދަންނަވާ ކަމަށެވެ.
އެގޮތުން މިއަދު ރާއްޖެ ކުރިމަތިލަނީ އުންމީދުން ފުރިގެންވާ މަރުހަލާއަކާ ކަމަށް ރައީސް މައުމޫން ވިދާޅުވިއެވެ.
އިންތިހާބީ ރައީސް އިބްރަހީމް މުހައްމަދު ސޯލިހު ހުވާކުރެއްވުމުގެ ރަސްމިއްޔާތު ފެށޭނީ ހޮނިހިރު ދުވަހުގެ ހަވީރު 05:00 ގައެވެ. މި ރަސްމިއްޔާތަށް 46 ގައުމެއްގެ އިއްޒަތްތެރިން ބައިވެރިވެވަޑައިގަންނަވާނެއެވެ.
