ދިޕިކާ އާއި ރަންވީރުގެ ކައިވެނީގެ ފުރަތަމަ ފޮޓޯ ދައްކާލައިފި

ދިގު އިންތިޒާރަކަށް ފަހު ފޭނުންނަށް ދިޕިކާ ޕަދުކޯން އާއި ރަންވީރު ސިންގް ކައިވެނީގެ ފޮޓޯ ދައްކާލައިފި އެވެ.

އިޓަލީގެ ލޭކް ކޯމޯގައި ބުދަ އަދި ބުރާސްފަތި ދުވަހު ބޭއްވި "ކޮންކަނި" އަދި "ސިންދީ" ސަގާފަތާ ގުޅޭ ވެޑިންގެ ފޮޓޯ އެ ދެމަފިރިން ވަނީ އިންސްޓަގްރާމުގައި ޝެއަރ ކޮށްފައެވެ.

އެ ދެމީހުން އެކުގައި ނަގާފައިވާ މި ފޮޓޯގެ ކެޕްޝަންގައި ދެމީހުން ވެސް ވަނީ ރެޑް ހާޓް އިމޯޖީ އެއް ޖަހާފައެވެ.

އެ ފޮޓޯގައި ދިޕިކާ ފެނިގެން ދަނީ ރަތް ކުލައިގެ ސާޅި އެއް އަޅާފައި ހުރި އިރު އެއް ފޮޓޯގައި ރަންވީރު ފެނިގެން ދަނީ ހުދު ކުލައިގެ ސަގާފީ ހެދުމެއްގައެވެ. އަނެއް ފޮޓޯގައި އޭނާ ފެނިގެން ދަނީ ރަތް ކުލައިގެ ޝިޭރްވާނީ އެއް ލާފައި ހުއްޓަ އެވެ.

މި ދެމީހުންގެ ހެދުން ޑިޒައިން ކޮށްފައި ވަނީ ސަބްޔާސަޗީ މުކަރްޖީ އެވެ.

މި ދެތަރިން އިޓްލީގައި ކައިވެނި ކުރި ނަމަވެސް އިންޑިއާގައި ދެ ވެޑިންގ ރިސެޕްޝަނެއް ބޭއްވުމަށް ވަނީ ނިންމާފައެވެ.