ޖުމްހޫރީ ޕާޓީގެ ލީޑަރ ގާސިމް އިބްރާހިމްގެ އަނބިކަނބަލުން އަދި ޖުމްހޫރީ ޕާޓީގެ ކައުންސިލް މެމްބަރ ޢާއިޝަތު ނަހުލާ، އިސްވެ ހުންނަވައިގެން އުފެއްދެވި ޖަމިއްޔާ އެއް ކަމަށްވާ އެސޯސިއޭޝަން ފޯ ސޯޝަލް ބެނިފިޓްސް އެންޑް އެއިޑް ނުވަތަ "އަސްބާ" ރަސްމީކޮށް އިފުތިތާހު ކޮށްފިއެވެ.
މި ޖަމިއްޔާ ރަސްމީކޮށް އިފްތިތާހު ކުރީ ބުދަ ދުވަހުގެ ރޭ ހޮޓެލް ޖެންގައި ބޭއްވި ޚާއްސަ ރަސްމިއްޔާތެއްގައެވެ. މިރަސްމިއްޔާތުގެ ޝަރަފުވެރި މެހުމާނަކީ ކުރީގެ ރައީސް މުހައްމަދު ނަޝީދުގެ އަނބިކަނބަލުން ލައިލާ އަލީ އެވެ.
މިޖަމިއްޔާ އަކީ ގައުމު އާރާސްތުކުރުމުގައި އެހީތެރިވުމާއި، އިޖުތިމާއީ މަސައްކަތްތައް ކުރުމަށް އުފެއްދި ޖަމިއްޔާއެކެވެ. "އަސްބާ"ގެ ފައުންޑަރ މެންބަރުންގެ ގޮތުގައި ހިމެނެނީ ޢާއިޝާގެ އިތުރަށް އެކަމަނާގެ މަންމަ ޚަދީޖާ އިބްރާހީމެވެ.
މިރަސްމިއްޔާތުގައި ޖުމްހޫރީ ޕާޓިގެ ލީޑަރު ގާސިމް އިބްރާހީމާއި ކުރީގެ ރައީސް މުހައްމަދު ނަޝީދާއި އަދާލަތު ޕާޓީގެ ރައީސް ޝައިޚް އިމްރާން އަބްދުﷲގެ އިތުރަށް ޢާއިޝާގެ އާއިލާގެ ބައެއް މެންބަރުން ވަނީ ބައިވެރިވެވަޑައިގެންފައެވެ.
