މުނި ހޯމް ކެއަރ އިން ކޮންމެ އަހަރެއްގެ ފަހުކޮޅު ބާއްވާ "އިޔަރ އެންޑް ސޭލް" ފަށައިފިއެވެ.
ނޮވެމްބަރު 4 އިން ޖެނުއަރީ 10 އަށް ކުރިޔަށްދާ މި ޕްރޮމޯޝަނަކީ މުނި ހޯމް ކެއަރގެ ހުރިހާ އައުޓްލެޓަކުން ވެސް މިވަގުތު އެންމެ ހަލުވި މިނުގައި ކުރިޔަށް ގެންދާ ހަރަކާތެކެވެ.
މި ޕޮރޮމޯޝަނަކީ ހުރިހާ ބާވަތެއްގެ މުދަލެއް ވެސް ވަރަށް ބޮޑުތަން އަގު ހެޔޮކޮށް، އަދި މީގެ އިތުރުން ގަންނަ ކޮންމެ ބެޑްރޫމް އަދި ފާހަނާ ސެޓަކަށް ހާއްސަ އިނާމެއް ދީގެން ކުރިޔަށްދާ ޕްރޮމޯޝަނެކެވެ.
މީގެ އިތުރުން ކޮލެޓީ މޮޅު ބުރޭންޑްތަކުގެ ފަރުނީޗަރާއި މުދާ ވާނީ ވަރަށް ބޮޑަށް އަގު ހެޔޮ ކޮއްފައެވެ. އެގޮތުން ޖަރމަން ކިޗަން (ހެޓިޗް) ބުރޭންޑްގެ ކިޗަން ސެޓްތަކާއި ރީތި ޑިޒައިންތަކުގެ ސޯ ފާބެޑް އަދި ފާހާނާ ސެޓްތައް ވަނީ ވަރަށް ބޮޑަށް އަގު ހެޔޮކޮށްފައެވެ.
މުނި ހޯމް ކެއަރގެ މެނޭޖިން ޑިރެކްޓަރ އަބްދުލް ލަތީފު ޔޫސުފް ވިދާޅުވީ މުނި ހޯމް ކެއަރގެ އިޔަރ އެންޑް ސޭލްގައި އަގުތަށް ވަރަށް ބޮޑަށް ހެޔޮ ވެފައިވާ ކަމަށެވެ. އަދި ވިޔަފާރިކުރާ ފަރާތްތަކަށް ޚާއްސަ އިނާމްތަކެއް ދިނުމަށް ހަމަޖެހިފައިވާ ކަމަށް އޭނާ ވިދާޅުވިއެވެ.
"އަޅުގަނޑުމެން މި ފަހަރު ފެއްޓީ ކޮންމެ އަހަރަކު ވެސް ބާއްވާ އިޔަރ އެންޑިން ސޭލް މިއަހަރު މި ފެށީ. ކުރައްވާ ކޮންމެ ވިޔަފާރިއެއްގައި ވެސް އާންމުކޮށް ބެޑްރޫމް ސެޓު އެއްޗެހި ވެސް މި އިންނަނީ ކޮންމެ ސެޓަކަށް ވެސް އިނާމެއް ލިބޭނެ ގޮތަށް. ކޮންމެ ބޭފުޅަކަށް ވެސް. ދެން ހަފްތާއަކު އެއްފަހަރު މި އިންނަނީ ބޮޑު އިނާމެއް. އެއީ ގުރުއަތު ލައިގެން ނަގާ އިނާމެއް،" ލަތީފު ވިދާޅުވިއެވެ.
މޮޑިއުލާރ ފަރނީޗަރ (މިސާލަކަށް މޮޑިއުލަރ ވޯޑްރޮބްތައް) ވެސް ވަނީ ވަރަށް ބޮޑަށް އަގުހެޔޮކޮށްފައެވެ. މި ދުވަސްތަކުގައި ކަސްޓަމަރުން ބޭނުންވާ ސައިޒަށް އަދި ބޭނުންވާ ޑިޒައިނަކާ އެކު ތަފާތު ކުލަތަކަށް ރީތި އަލަމާރި އަދި ފަރުނީޗަރު ޖަހާލެވޭނެ ކަމަށް މުނި ހޯމް ކެއަރ އިން ބުނެއެވެ.
މުނި ހޯމް ކެއާރގެ ދަށުން މިވަގުތު މާލެ އަދި ހުޅުމާލޭގައި ޖުމްލަ ހަތަރު އައުޓްލެޓެއް ހިންގަމުން ދެއެވެ. އޭގެ ތެރޭގައި މާލެ އިން މުނި ހޯމް ކެއަރ ލިވިންގް ސެންޓަރ، ފަރނިޗަރ ސެންޓަރ، މުނި ޓްރެޑާރސް އަދި ހުޅުމަލޭގެ ސެންޓްރަލް މޯލްގައި ހިންގަމުންދާ ސޭލްސް ސެންޓަރ ހިމެނެއެވެ.
