ތަގްސް އޮފް ހިންދުސްތާން: ބޮޑު ތަރުހީބެއް

ތަގްސް އޮފް ހިންދުސްތާނު ސިނަމާތަކުގައި އަޅުވާފައިވަނީ މިމަހުގެ 8 ވަނަ ދުވަހުއެވެ.

ފިލްމެއް އަޅުވާތާ ފުރަތަމަ ދުވަހުން އިންޑިއާގެ ފިލްމަކަށް މިހާތަނަށް ނުލިބޭ އާމްދަނީ އާމިރު ޚާން ގެ ތަގްސް އޮފް ހިންދުސްތާން ވަނީ ހޯދާފައެވެ.

މިމަހުގެ 8 ވަނަ ދުވަހު އެކަނި ވެސް އެފިލްމު މިވަނީ ރެކޯޑުތައް މުގުރާފައެވެ. ސިނަމާގައި އެޅުވި ފުރަތަމަ ދުވަހު 52.5 ކުރޯޑް ރުޕީސް ވަނީ ހޯދާފައެވެ. މިހާތަނަށް ބޮލީވުޑްގެ ފިލްމެއް އެޅުވިތާ ފުރަތަމަ ދުވަހުން 50 ކުރޯޑް ރުޕީސް އަށްވުރެ މައްޗަށް ފިލްމު އެޅުވިތާ ފުރަތަމަ ދުވަހު ފިލްމަކުން ލިބުނު ފުރަތަމަ ފިލްމަށް މި ފިލްމު ވަނީ ވެފައެވެ. 5000 ސްކްރީނެއްގައި މި ފިލްމު ވަނީ އަޅުވާފައެވެ.

އާމިރު ޚާންއަކީ އަބަދުވެސް އޭނާ ކުޅޭ ކޮންމެ ފިލްމަކަށް ވަރަށް ތައްޔާރުވާ މީހެކެވެ. ތަގްސް އޮފް ހިންދުސްތާނުގައި ޝޫޓުކޮށްފައިވާ ބޮޑުބަޔަކީ ކަނޑާއި ބޯޓުތަކުގެ މަންޒަރުތަކެވެ. އިންޑިއާގެ ނޫސްތަކުގައި ރިޕޯޓުކޮށްފައިވާ ގޮތުގައި މި ފިލްމުގައި ބޭނުންކޮށްފައިވާ ދެ ބޯޓު ހެދުމަށް ގާތްގަނޑަކަށް އަހަރެއްހާ ދުވަސް ވަނީ ނަގާފައެވެ. އެ ދެބޯޓުގެ ބަރުދަނުގައި އެކަނި ވެސް ދެ ލައްކަ ކިލޯ ހުންނަކަމަށްވެއެވެ. އެއްއަހަރު ދުވަހުގެ ތެރޭގައި މި ދެބޯޓު ބަނުމަށް 1000 އެއްހާ އިންޓަނޭޝަނަލް ޑިޒައިނަރުންނާއި ބޯޓު ބަންނަ މީހުން ވަނީ ހަރަކާތްތެރި ވެފައެވެ. މިދެބޯޓު ބަނދެފައިވަނީ ޔޫރަޕްގެ ގައުމެއްކަމަށްވާ މޯލްޓާގައެވެ. މި ފިލްމުގެ މަންޒަރުތައް ވެސް ނަގާފައި ވަނީ މޯލްޓާ އާއި މުމްބާއީގައެވެ.

ޔާޝް ރާޖް ފިލްމްސް އިން ޕްރޮޑިއުސްކުރާ މި ފިލްމުގެ ވާހަކަ ލިޔެ، ފިލްމު ޑައިރެކްޓްކުރަނީ ވިޖޭ ކްރިޝްނާ އަޗާރިޔާއެވެ.

ތަގްސް އޮފް ހިންދުސްތާނުގައި އާމިރު ޚާންގެ އިތުރުން އަމީތާބް ބައްޗަން އާއި ފާތިމާ ސަނާ ޝައިޚް އަދި ކެޓްރީނާ ކައިފް އާއި މުޙައްމަދު ޒީޝާން އައްޔޫބް ފެނިގެންދެއެވެ.

މި ފިލްމަކީ 1839 ވަނަ އަހަރު ނިކުތް ނޮވެލް މެއޮޑީވްސް ލިޔެފައިވާ "ނޮވެލް ކޮންފެޝަން އޮފް އަ ތަގް" މި ވާހަކައިގެ މައްޗަށް ބިނާކޮށް އުފައްދާފައިވާ ފިލްމެކެވެ.

ތަޖުރިބާކާރުން ބުނާގޮތުގައި ފިލްމު އަޅުވާތާ ފުރަތަމަ ދެ ދުވަހު ފިލްމަށް 100 ކުރޯޑް އިންޑިއަން ރުޕީސް ލިބުމަކީ ވަރަށް ގާތްކަމެކެވެ. އަދި 500 ކުރޯޑް ރުޕީސްގެ ބަޖެޓުން ޖާގަ ހޯދުމަށް ހަފްތާއެއްހާ ދުވަސް ވާނެކަމަށާއި ކުރިއަށް އޮތް ދުވަސްތަކުގައި ވެސް މި ފިލްމު އެތަށް ރެކޯޑެއް މުގުރާލާނެކަމަށް ވަނީ ބުނެފައެވެ.