އައްޑޫ ސިޓީ ލިންކް ރޯޑުގައި ބާރު ސްޕީޑުގައި ދުއްވާފައިވާ ދިޔަ ކާރެއް ގަހެއްގާ ޖެހި އެކްސިޑެންޓެއް ހިނގައިފިއެވެ.
ފުލުހުން ބުނީ، ހެނދުނު 11:56 ހާއިިރު މި އެކްސިޑެންޓް ހިނގާފައިވާ ކަމުގެ މައުލޫމާތު ލިބިފައިވާ ކަމަށެވެ. އެގޮތުން އެކްސިޑެންޓް ހިނގަން މެދުވެރިވީ ކުޅި ކޮށީގެ އިރުމަތި ފަރާތު ކަންމަތިން ބާރު ސްޕީޑުގައި ދިޔަ ކާރެއް ކޮންޓްރޯލުން ނައްޓާލައިގެންނެވެ.
މިހާދިސާގައި ކާރުގައި ތިބި ދެ މީހުންނަށް އެކިވަރުގެ އަނިޔާތައް ލިބިފައިވާ ކަމަށް ފުލުހުން ބުނެއެވެ.
މިހާދިސާގައި ކާރަށް ބޮޑެތި ގެއްލުންތަކެއް ލިބިފައިވާ ކަމަށް ފުލުހުން ބުނެއެވެ.
