ހުޅުމާލޭގައި މާރާމާރީ ހިންގި މައްސަލާގައި ހައްޔަރުކުރި މީހާ ޝަރުތުތަކާއެކު ދޫކޮށްލައިފި
16 ނޮވެމްބަރު 2024 | ހޮނިހިރު 12:13އެއީ 41 އަހަރުގެ ފިރިހެނެއް
އަމްނާ އިމާދު | 16 ނޮވެމްބަރު 2024 | ހޮނިހިރު 12:13
ފުލުހުން ހިންގި އޮޕަރޭޝަނެއްގެ ތެރެއިން
ހުޅުމާލޭގައި މާރާމާރީ ހިންގި މައްސަލާގައި ހައްޔަރުކުރި މީހާ ޝަރުތުތަކާއެކު ކޯޓުން ދޫކޮށްލައިފިއެވެ.
ފުލުހުން ބުނީ ހުޅުމާލޭ ރާކަނި ބީޗްގައި ދެމީހެއްގެ މެދުގައި މާރާމާރީ ހިންގި މައްސަލައެއް ހުކުރު ދުވަހުގެ ރޭގެ ވަގުތެއްގައި ރިޕޯޓުކޮށްފައިވާ ކަމަށެވެ.
މި މައްސަލައާ ގުޅިގެން ދިވެހި ފިރިހެނެއް ހައްޔަރުކޮށްފައިވާ ކަމަށާއި، އޭނާގެ ބަންދާމެދު ގޮތެއް ނިންމުމަށް ހުޅުމާލެ މެޖިސްޓްރޭޓް ކޯޓަށް ހާޒިރުކުރުމުން ޝަރުތު ކުރުމަށްފަހު ދޫކޮށްލާފައިވާ ކަމަށް ފުލުހުން ބުނެއެވެ. އެއީ 41 އަހަރުގެ ފިރިހެނެއް ކަމަށް ފުލުހުން ބުނެއެވެ.
މި މައްސަލަ ފުލުހުން ގެންދަނީ ތަހުގީގު ކުރަމުންނެވެ.
