ކަންގަނާ އުފަން ރަށުގައި ދިވާލީ ފާހަގަ ކުރަނީ
ކަންގަނާ ވަނީ އޭނާ އާއިލާއާއި އެކު ނަގާފައިވާ ފޮޓޯތައް އިންސްޓަގްރާމްގައި ހިއްސާކޮށްފައި
ކަންގަނާ ރަނައުތް
ބޮލީވުޑްގެ މަޝްހޫރު ތަރިއެއް ކަމުގައިވާ ކަންގަނާ ރަނައުތު އޭނާގެ އުފަންރަށް މަނާލީގައި އާއިލާ އާއި އެކު ދިވާލީ ފާގަހަކުރަން ފަށައިފި އެވެ.
ކަންގަނާ ވަނީ މިދިޔަ އަންގާރަ ދުވަހު އޭނާގެ އާއިލާ އާއި އެކު ނަގާފައިވާ ފޮޓޯތައް އިންސްޓަގްރާމްގައި ހިއްސާކޮށްފައެވެ.
އެ ފޮޓޯތަކުގައި ކަންގަނާ ފެނިގެންދަނީ އޭނާގެ ދެބެއިން ކަމަށްވާ ރަންގޯލީ ޗާންދެލް އާއި އަކްޝިތު ރަނައުތު އާއި އެކު ސްނޯ މަތީގައި މަޖާކުރަމުން ދަނިކޮށެވެ. މީގެ އިތުރުން އޭނާގެ ނެފިއު ޕްރިތްވީ ރާޖްގެ ކޮނޑުމައްޗަށް ލައިގެން މަޖާކުރާ ފޮޓޯތައް ވެސް ވަނީ ހިއްސާކޮށްފައެވެ.
"މިފަހަރުގެ ދިވާލީ އަހަރެންގެ މުޅި އާއިލާ ފާހަގަ ކުރާނީ އެކުގައި. އަހަރެންގެ ބޭބެ އޭނާގެ ލޯބިވެރިޔާ އާއިލާއަށް ތަޢާރަފް ކޮށްދީ އެ މީހުންގެ ގުޅުން އޮފިޝަލް ކުރުމަށް ވަނީ ހަމަޖެހިފައި. އެހެންވެ އަހަރުމެން ބޭނުން ވަނީ މި ޚާއްސަ ދުވަހުގައި އެކުގައި ވަގުތު ހޭދަކުރުމަށް،" ކަންގަނާ ވަނީ ބުނެފައެވެ.
ތިން ދުވަހުގެ މި ފެސްޓިވަލް ނިމުމަށްފަހު އަންނަން އޮތް އޭނާގެ ފިލްމް "މަނިކަރްނިކާ ދަ ކްއީން އޮފް ޖާންސީ"ގެ ޕޯސްޓް ޕްރޮޑަކްޝަން މަސައްކަތްތައް ފެށުމަށް ވަނީ ހަމަޖެހިފައެވެ. އަދި މިމަހުގެ 9 ވަނަ ދުވަހުން ފެށިގެން "ޕަންގާ" ގެ ޝޫޓިން ފެށުމަށް ވަނީ ހަމަޖެހިފއެވެ. މި ފިލްމްގެ ޝޫޓިންތައް ޝެޑިއުލް ކޮށްފައި ވަނީ 25 ދަވަހަށެވެ.
