ޒީރޯ ޕްރޮމޯޓްކުރަން ޝާހްރުކު ބިގްބޮސް އަށް'

މި އަހަރުގެ އެންމެ ބޮޑު އެއް ފިލްމް ކަމަށްވާ "ޒީރޯ" ޕްރޮމޯޓް ކުރުމަށް ސަލްމާން ޚާން ހުށަހަޅައިދޭ ބިގް ބޮސް 12 ގައި ބައިވެރިވެއްޖެއެވެ.

ފާއިތުވި 25 އަހަރު ދުވަހުގެ ތެރޭގައި ބޮލީވުޑުގައި އެންމެ މަޤްބޫލު ސުޕާރސްޓާރުންގެ ގޮތުގައި މަޝްހޫރުވެފައިވާ ސަލްމާން ޚާން އާއި ޝާހްރުކު ޚާން އެކުގައި އެއް ސްޓޭޖަކުން ބަލާލަން އަބަދު ވެސް އެދެމީހުންގެ ފޭނުން ތިބެނީ ކެތް މަދުވެފައެވެ.

ތަފާތު އެކި މައްސަލަތައް ދިމާވެ މި ދެތަރިންގެ ރަޙްމަތްތެރިކަމަށް ހީނަރުކަން އައިސް އޮތުމަށް ފަހު ވަރަށް ފަހުން ވަނީ މިކަންކަން ފަހަތަށް ޖައްސާލުމަށް ފަހު އަލުން ގުޅުން ބަދަހި ކޮށްފައެވެ.

އެގޮތުން ކަލާސް އިން ދައްކާ މަޝްހޫރު ރިއަލިޓީ ޝޯވް ބިގްބޮސް އިން ޝާހްރުކު ފެނިގެން ދާނީ ނޮވެމްބަރ 24 އަދި 25 ވަނަ ދުވަހު ދައްކާ ވީކެންޑް ކާ ވާރް އެޕިސޯޑުތަކުންނެވެ.

މީގެ ކުރިންވެސް ޝާހްރުކު ވަނީ ބިގްބޮސްގެ އެޕިސޯޑެއްގައި ބައިވެރިވެފައެވެ. ޝާހްރުކު ޚާނާއި ސަލްމާން ޚާން އެކުގައި ކުޅެފައި ހުރި ފިލްމު ތަކުގެ ތެރޭގައި 'ކަރަން އަރުޖުން' 'ކުޗް ކުޗް ހޯތާހޭ" ފަދަ ބްލޮކްބަސްޓަރ ފިލްމުތައް ހިމެނެއެެވެ.

މި ފިލްމް ޕްރޮޑިއުސަރ ކަރަން ޖޯހަރު ވެސް ބުނެފައި ވަނީ މި ފިލްމު "ބްލޮކް ބާސްޓަރ" އަކަށް ވެގެންދާނެ ކަމަށެވެ. މީގެ އިތުރުން ބޮލީވުޑްގެ ގިނަ ފަންނާނުން ވަނީ މި ފިމްލުގެ ޓްރެއިލާ އަށް ތައުރީފް ކޮށްފައެވެ.

އާނަންދް އެލް ރާއީ ޑައިރެކްޓް ކުރާ މި ފިލްމްގައި ރިލީޒް ކުރުމަށް ހަމަޖެހިފައި ވަނީ ޑިސެމްބަރު 21 ގައެވެ.