ކ. މާލެ
|
3 ޖެނުއަރީ 2018 | ބުދަ 12:38
ޝާހުރުކް ޚާން
ޝާހުރުކް ޚާން
ގެޓީ އިމޭޖަސް
ޝާހުރުކް ޚާން
ޒީރޯއިން ޝާހު ފެންނާނީ ކުރު މީހެއްގެ ގޮތުގައި
 
ފިލްމު ރިލީޒްކުރާނީ މިއަހަރުގެ ޑިސެމްބަރުމަހުގެ 21 ގައި

މިއަހަރުގެ ޑިސެމްބަރު މަހުގެ 21 ގައި ނެރުމަށް ހަމަޖެހިފައިވާ ޒީރޯއިން ޝާހުރުކް ޚާން ފެންނާނީ ކުރުމީހެއްގެ ގޮތަށެވެ.

މި ފިލްމަކީ އިންޑިއަން ކޮމެޑީ ފިލްމެކެވެ. މި ފިލްމުގެ ސްކްރީން ޕްލޭ ލިޔެފައި ވަނީ ހިމަންޝޫ ޝަރްމާއެވެ. ޒީރޯ ޑައިރެކްޓް ކުރީ އަނަންދް އެލް ރާއިއެވެ. އެ ފިލްމުގައި އޭނާއާއި އެކު ފެނިގެން ދާނީ ކެޓްރީނާ ކައިފް އާއި އަނުޝްކާ ޝަރުމާއެވެ.

މިއީ 2012 ވަނަ އަހަރުގައި ނެރުނު ޖަބްޓަކް ހޭ ޖާންއަށް ފަހު މި ތިން ކާސްޓުން އެކީގައި ފެންނާނެ ފުރަތަމަ ފިލްމެވެ.

މި ފިލްމުގެ ޓީޒާ މިހާރު ނެރެފައިވާއިރު ޓީޒާއިން ފެނިގެންދަނީ ޝާހުރުކް ކުރުކޮށް ހުއްޓައެވެ. ޒީރޯގައި ސްޕެޝަލް އެޕިއަރެންސްގެ ގޮތުގައި ފެނިގެންދާނީ ސަލްމާން ޚާން ، ދީޕިކާ ޕަދުކޯން، ރާނީ މުކްރަޖީ، ކާޖޮލް، އާލިއާ ބަޓް، ސްރިދޭވީ، ކަރިޝްމާ ކަޕޫރު އަދި ޖޫހީ ޗަވްލާއެވެ.

މީގެ އިތުރުން ޝާހުރުކް ޚާން ލީޑް ރޯލުން ފެނިގެންދާ "ޑޮން" ފްރަންޗައިޒްގެ ތިންވަނަ ފިލްމު "ޑޮން 3" ގެ ޝޫޓިން މިއަހަރު ފަށާނެއެވެ. "ޑޮން" ފްރަންޗައިޒް ފިލްމު އުފައްދާ ޕްރޮޑަކްޝަން ކޮންޕެނީ އެކްސެލް އެންޓަޓައިންމަންޓުން މި ފިލްމުގެ ޝޫޓިން ފަށާނެ ދުވަހެއް އިއުލާން ކުރާނެ ކަމަށް  މިފިލްމުގެ ޑައިރެކްޓަރ ރިތޭޝް ސިދުވާނީ ވަނީ ބުނެފައެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: ހުޝާމް މުހަޢްމަދް
0%
0%
0%
0%
0%
0%
ކޮމެންޓް