ފިލްމް ޓޫ ޕޮއިންޓް ޒީރޯގެ ޓްރެއިލާ ނޮވެމްބަރު މަހުގެ ތިން ވަނަ ދުވަހު ރިލީޒް ކުރުމަށް ނިންމައިފިއެވެ.
މި ފިލްމަކީ ޝަންކަރް ލިޔެ ޑައިރެކްޓްކޮށް ކޮށްފައިވާ ފިލްމެކެވެ. އަދި މި ފިލްމް ޕްރޮޑިއުސް ކޮށްފައިވަނީ ސުބާސް ކަރަންއެވެ. ފިލްމަކީ ސައިންސް ފިކްޝަން ފިލްމެކެވެ.
ފިލްމުގައި އަކްޝޭ ކުމާރް ވިލަންއެއްގެ ރޯލުން ފެނިގެންދާއިރު އެމީ ޖެކްސަން ހަރަކާތްތެރިވަނީ އަންހެން ލީޑް ރޯލުގެ ބައިންނެވެ. އަދި ފިލްމްގައި މަޝްހޫރު އެކްޓަރ ރަޖްނީކާންތް ވެސް ހަރަކާތްތެރިވާނެއެވެ.
މީގެ އިތުރުން ފިލްމްގެ ބަޖެޓެއްގެ ގޮތުން 543-400 ރުޕީސްގެ އަގެއް ކަނޑައަޅާފައިވާއިރު މިއީ އިންޑިއާގައި އުފެއްދާ އެންމެ އަގު ބޮޑު ބަޖެޓެއް ކަނޑައެޅިފައިވާ ފިލްމަށް ވެގެންދާނެއެވެ. ފިލްމް ސިނަމާތަކުގައި އެޅުވުމަށް ނިންމާފައިވަނީ މި އަހަރުގެ ނޮވެމްބަރު 29 ވަނަ ދުވަހުގައެވެ.
އިންޑިއާގެ ނޫސްތަކުގައިވާ ގޮތުން ފިލްމް ޓަމިލް ބަހުންނާއި ހިންދީ ބަހުގެ އިތުރުން އިތުރުން 13 ބަހަކުން ޑަބް ކުރުމަށްފަހު ރިލީޒްކުރާނެއެވެ.
ފިލްމްގެ 3D ޓީޒާ ސެޕްޓެމްބަރު 12 ވަނަ ދުވަހު ރިލީޒްކޮށްފައިވާއިރު ރަޖްނީކާންތް އާއި އަކްޝޭ ފެނިގެންދަނީ ވަރަށް ތަފާތު ރޯލަކުންނެވެ.
