'މަންޒޫރު އޭ ޚުދާ' ލަވައިގެ ޓީޒާ ދައްކާލައިފި
މި ފިލްމު ރިލީޒްކުރާނީ އަންނަ ނޮވެމްބަރު 8 ގައި
ތަގްސް އޮގް ހިންދުސްތާން
ކެޓްރީނާ ކައިފްގެ އެންމެ ފަހުގެ ފިލްމު 'ތަގްސް އޮފް ހިންދުސްތާން'ގެ 'މަންޒޫރު އޭ ޚުދާ' ލަވައިގެ ޓީޒާ ދައްކާލައިފި އެވެ.
ޔަޝް ރާޖް ފިލްމުގެ އެންމެ ފަހުގެ އުފެއްދުން ކަމަށްވާ އެކްޝަން އެޑްވެންޗަރ ފިލްމު 'ތަގްސް އޮފް ހިންދުސްތާން' ގެ ޓްރެއިލާއާއި ފިލްމުގެ ލަވަތައް މިހާރުވަނީ ރިލީޒް ކޮށްފައެވެ.
އެގޮތުން އެންމެ ފަހުން ރިލީޒް ކޮށްފައިވަނީ 'މަންޒޫރު އޭ ޚުދާ' ލައިވައިގެ ޓީޒާއެވެ. މިލަވައިގަ ފެނިގެންދާނީ އާމިރް ޚާންއާއި ކެޓްރީނާ ކެއިފް އަދި ފާތިމާ ސަނާ ޚާން އެވެ.
މި ޓީޒާ ރިލީޒްކުރުމާއި އެކު އެންމެ ގިނަ ބަޔަކު ތައުރީފް ކުރަމުން ދަނީ ކެޓްރީނާގެ ހެދުމަށާއި އޭނާގެ ޑާންސްއަށެވެ.
ތަގްސް އޮފް ހިންދުސްތާން ރިލީޒް ކުރާނީ އައިމެކްސް ފޯމެޓްގައިކަން އައިމެކްސް އާއި އެފިލްމު އުފައްދާ ޔާޝް ރާޖް ފިލްމްސް (ވައިއާރްއެފް) އިންވެސް ވަނީ ޔަގީން ކޮށްދީފައެވެ.
މި ފިލްމުގެ މަންޒަރުތައް ނަގާފައި ވަނީ މޯލްޓާ އާއި މުމްބާއީގައެވެ. ޔާޝް ރާޖް ފިލްމްސް އިން ޕްރޮޑިއުސްކުރާ މި ފިލްމުގައި އަމީތާބު ބައްޗަން ވެސް މުހިއްމު ރޯލެއް އަދާކުރާއިރު، މި ފިލްމުގެ ވާހަކަ ލިޔެ، ފިލްމު ޑައިރެކްޓްކުރަނީ ވިޖޭ ކްރިޝްނާ އަޗާރިޔާއެވެ.
ތަގްސް އޮފް ހިންދުސްތާން ރިލީޒް ކުރުމަށް ހަމަޖެހިފައިވަނީ މި އަހަރުގެ ނޮވެމްބަރު މަހުގެ 8 ވަނަ ދުވަހުގައެވެ.
