މަޝްހޫރު ބަތަލާ ޕްރިޔަންކާ ޗޯޕްރާގެ ބްރައިޑަލް ޝަވާގައި 1 މިލިއަން ޑޮލަރުގެ އަގު ހުރި ޑައިމަންޑް ގަހަނާ އޭނާ ބޭނުންކޮށްފައިވާ ކަމަށް ހަބަރުތައް ބުނެފިއެވެ.
ޕްރިޔަންކާގެ ބްރައިޑަލް ޝަވާ ބާއްވާފައިވަނީ ޓިފަނީ އެންޑް ކޯގެ ބުލޫ ބޮކްސް ކެފޭގައި، އޭނާގެ ގާތް ރަހްމަތްތެރިންނާއި އާއިލާ މީހުންނާއި އެކުގައެވެ.
ސަޕްރައިޒެއްގެ ގޮތުގައި މި ބްރައިޑަލް ޝަވާ ޕާޓީ ޕްރިޔަންކާއަށް ދީފައިވަނީ އޭނާގެ ބްރައިޑްސް މެއިޑުން ކަމަށްވާ މުބީނާ ރަތޮންސޭއާއި އަންޖުލާ އަޗާރިޔާއެވެ.
އެގޮތުން އޭނާގެ އަތުގައި އޮތް ދެ ލައްކަ ފަންސާސް ހާސް ޑޮލަރުގެ އަގު ހުރި ޑައިމަންޑް އަނގޮޓީގެ އިތުރުން މިޕާޓީގައި އެންމެ ގިނަ މީހުން ލޮލުގަ އަޅައިގަތީ ޕްރިޔަންކާގެ ކަރުގައި އަޅާފައި އޮތް އެއްމިލިއަން ޑޮލަރުގެ އަގުހުރި ޓިފިނީ އެންޑް ކޯގެ ޑައިމަންޓް ހާރަށެވެ.
ޕްރިޔަންކާއާއި ނިކްގެ ކައިވެނީގެ ވާހަކަ ދެކެވެމުންދާއިރު ކައިވެނީގެ ހަފްލާއާއި ގުޅޭގޮތުން މާބޮޑު ހަބަރުތަކެއް ހާމަކޮށްފައެއް ނުވެއެވެ. ޚަބަރުތައް ބުނާ ގޮތުން ޕްރިޔަންކާ އާއި ނިކް ގެ ކައިވެނި ކުރުމަށް ހަމަޖެހިފައިވާ ތާރީޚަކީ ޑިސެމްބަރު މަހުގެ 2 ވަނަ ދުވަހެވެ.
ޕްރިޔަންކާގެ މަންމަ މަދޫ ޗޯޕްރާ ބޭނުންވަނީ އޭނާގެ އަންހެން ދަރިފުޅުގެ ކައިވެނި އިންޑިއާގެ ސަގާފަތާއި އެއްގޮތަށް ކުރަން ކަމަށާއި ނޮވެމްބަރު 29 އަދި ޑިސެމްބަރު 1 ގައި މެހެންދީ އަދި ފަންކްޝަނަށް ޖޯދްޕޫރުގެ ދެ ތަނެއް ވަނީ ހަމަޖައްސާފައި ކަމަށް އާއިލާ އާއި ގާތްމީހަކު ވަނީ މީޑިޔާތަކަށް ހަބަރުދީފައެވެ.
މި ދެމީހުންގެ ކައިވެނި ކުރުމަށް ހަމަޖެހިފައިވަނީ ޖޯދްޕޫރުގެ މެހްރަންގަރަ ފޯޓްގައި ކަމަށް ޚަބަރުތައް ބުނެއެވެ.
