އަޑުއިވުމުގެ ނުކުޅެދުންތެރިކަން ހުންނަ މީހުން ބާރުވެރިކުރުވުމުގެ ގޮތުން ވޯކްޝޮޕެއް ހިންގައިފި
25 އޮކްޓޯބަރު 2018 | ބުރާސްފަތި 17:029 ދުވަހުގެ މުއްދަތަށް ވޯކްޝޮޕް ހިންގާފައިވަނީ
ޖެންޑަރ މިނިސްޓްރީން ހިންގި ވޯކްޝޮޕްގެ ތެރެއިން
އަޑުއިވުމުގެ ނުކުޅެދުންތެރިކަން ހުންނަ މީހުން ބާރުވެރިކުރުވުމުގެ ގޮތުން މިނިސްޓްރީ އޮފް ޖެންޑަރ އެންޑް ފެމިލީން 9 ދުވަހުގެ މުއްދަތަށް ވޯކްޝޮޕެއް ހިންގައިފިއެވެ.
އެމެރިކަން ސެންޓަރުގައި ކުރިއަށް ގެންދިޔަ މި ވޯކްޝޮޕްގެ މަޤްޞަދަކީ އަޑުއިވުމުގެ ނުކުޅެދުންތެރިކަން ހުންނަ މީހުންނަށް ކުރިމަތިވާ އެކި ބާވަތުގެ އަނިޔާތަކާ ދެކޮޅަށް ބާރުވެރިކުރުވުމާއި، އެ ފަދަ ކަމެއް ކުރިމަތިވެއްޖެ ނަމަ ޢަމަލުކުރާނެ އުސޫލުތައް ބާޔާންކޮށްދީ، ހޭލުންތެރިކަން އިތުރު ކުރުން ކަމަށް ޖެންޑަރ މިނިސްޓްރީން ބުނެއެވެ.
މި ވޯކްޝޮޕް އިންތިޒާމުކޮށްފައިވަނީ ފެމިލީ ޕްރޮޓެކްޝަން އޮތޯރިޓީއާ ގުޅިގެންނެވެ. އަދި ސެޝަންތައް ކުރިއަށް ގެންދެވިފައިވަނީ ސޮސައިޓީ ފޮރ ހެލްތު އެޑިއުކޭޝަން (ޝީ)، ފެމިލީ ލީގަލް ކްލިނިކް އަދި މޯލްޑިވްސް ޕޮލިސް ސަރވިސްގެ އެހީތެރިކަމާއެކުގައި ކަމަށް ޖެންޑަރ މިނިސްޓްރީން ބުންޏެވެ.
ޖުމުލަ 22 މީހުން ބައިވެރިވި މި ޕްރޮގްރާމްގައި، ޖިންސީ ފުރައްސާރަ އާއި، ގެވެށި އަނިޔާއާއި، ޖެންޑަރ އަދި ސޯޝަލައިޒޭޝަންގެ އިތުރުން ބައެއް ޤާނޫނުތަކުގެ މަޢުލޫމާތު ބައިވެރިންނާ ޙިއްޞާކުރެވިފައިވެއެވެ. އޭގެ ތެރޭގައި، ގެވެށި އަނިޔާ ހުއްޓުވުމުގެ ޤާނޫނާއި ޖިންސީ ފުރައްސާރަ ހުއްޓުވުމުގެ ޤާނޫނު ހިމެނެއެވެ.
މިއީ އަޑުއިވުމުގެ ނުކުޅެދުންތެރިކަން ހުންނަ މީހުންނަށް ޚާއްޞަކުރެވިގެން ރާއްޖޭގައި ހިންގުނު މި ފަދަ ފުރަތަމަ ވޯކްޝޮޕެވެ.
