މަޖިލީހުގެ މެމްބަރުންގެ މުސާރަ 150،000ރ އަށް ހަދައިދޭނަން: އަދުރޭ
24 އޮކްޓޯބަރު 2018 | ބުދަ 21:38އަބްދުއްރަހީމް ވަނީ މަޖިލީހުގެ ރައީސްގެ މަޤާމަށް ވާދަކުރައްވާނެކަން އިއުލާންކުރައްވާފައި
ރައްޔިތުންގެ މަޖިލީހުގެ ފޮނަދޫ ދާއިރާގެ މެމްބަރު އަބްދުއްރަހީމް އަބްދުﷲ
ރައްޔިތުންގެ މަޖިލީހުގެ މެމްބަރުންގެ މުސާރަ 150،000 ރުފިޔާއަށް ބޮޑުކޮށްދެއްވާނެކަމަށް ރައްޔިތުންގެ ފޮނަދޫ ދާއިރާގެ މެމްބަރު އަބްދުއްރަހީމް އަބްދުﷲ ވައުދުވެވަޑައިގެންފި އެވެ.
ޕީޕީއެމްގެ ނައިބް ލީޑަރުކަންވެސް ކުރައްވާ އަބްދުއްރަހީމް ވަނީ ރައްޔިތުންގެ މަޖިލީހުގެ ރައީސްގެ މަޤާމް ހުސްވެއްޖެނަމަ އެ މަޤާމަށް ކުރިމަތިލައްވާނެކަން އިއުލާންކުރައްވާފަ އެވެ. މަޤާމަށް ކުރިމަތިލައްވާނެކަން އިއުލާންކުރައްވާ ޓުވީޓް ކުރައްވާފައިވަނީ ބުދަ ދުވަހުގެ މެންދުރުގެ ވަގުތެއްގައެވެ.
އޭގެފަހުން ބުދަ ދުވަހުގެރޭ ކުރެއްވި ޓުވީޓެއްގައި އަބްދުއްރަހީމް ވަނީ އޭނާގެ މެނިފެސްޓޯގައި ހިމެނޭކަންތައްތަކކުގެ ތެރެއިން މުސާރައިގެ ބައި ހާމަކުރައްވާފަ އެވެ. އެގޮތުން މަޖިލީހުގެ ރައީސްކަން ލިބިއްޖެނަމަ މެމްބަރުންގެ މުސާރަ 150،000 އަސް ބޮޑުކޮށްދެއްވާނެކަމަށް އަބްދުއްރަހީމް ވިދާޅުވި އެވެ.
ރައްޔިތުންގެ މަޖިލީހުގެ މެމްބަރުންގެ މިހާރުގެ މޫސަރައަކީ އިނާޔަތްތަކާއެކު 62,500 ރުފިޔާ އެވެ. އަދި ކޮމެޓީ އެލަވަންސްގެ ގޮތުގައި ކޮމެޓީތަކަށް ވަޑައިގަންނަވާ ކޮންމެ މެމްބަރަކަށް 20،000 އަށް ލިބެ އެވެ.
