ބަދާއީ ހޯ: ދުނިޔޭގެ އެކި ގައުމު ތަކުގައިދަނީ ބޮޑު ކާމިޔާބީއެއް ހޯދަމުން

މިދިޔަ ބުރާސްފަތި ދުވަހު ރިލީޒް ކުރި ފިލްމް "ބަދާއީހޯ" އަށް ވަނީ ފިލްމް ރިލީޒް ކުރިތާ ހަތަރު ދުވަސް ތެރޭގައި އިންޓަނޭޝަނަލް މާކެޓްގައި 2.25 މިލިއަން ޑޮލަރު ލިބިފައެވެ.

މި ފިލްމް ވަނީ 2018 ވަނަ އަހަރު ރިލީޒްކުރި ފިލްމް ތަކުގެ ތެރެއިން އެންމެ ގަދަ 10 ފިލްމްގެ ތެރޭގައި ހިމެނިފައެވެ.

މި ފިލްމް އިންޑިއާގައި ރިލީޒް ކުރި ދުވަހު ފިލްމަށް ވަނީ 7.29 ކްރޯޑް އިންޑިއަން ރުޕީސް ލިބިފައެވެ.

އަދި ދެވަނަ ދުވަހު އެ އަދަދު ވަނީ 60 ޕަސެންޓް އިތުރު ވެފައެވެ. އެގޮތުން ދެ ދުވަހުގެ ތެރޭގައި ލިބުނު އާމްދަނީ ވަނީ ޖުމްލަ 18.96 ކްރޯޑަށް އަރާފައެވެ. ހޮނިހިރު ދުވަހު މި ފިލްމަށް 12.60 ކްރޯޑް ރުޕީސް ލިބުނު އިރު އާދިއްތަ ދުވަހު ވަނީ 13.50 ކްރޯޑް ރުޕީސް ލިބިފައެވެ.

އެހެން ކަމުން ފިލްމް ރިލީޒް ކުރިތާ ހަތަރު ދުވަހުގެ ތެރޭގައި ލިބުނު އާމްދަނީ ވަނީ ޖުމްލަ 45.06 ކްރޯޑަށް އަރާފައެވެ.

"ބަދާއީ ހޯ" އަކީ ހެއްވާ މަޖާ ކަންތައްތަކެއް ދައްކުވައިދޭ ފިލްމެކެވެ. މި ފިލްމުގައި އަޔުޝްމަން ފެނިގެން ދާނީ "ޑަންގަލް" އިން ފެނިގެންދިޔަ ސަނާޔާ މަލޯތްރާގެ ގޮތުގައެވެ. މީގެ އިތުރުން ނީނާ ގުޕްތާ އާއި ސުރޭޚާ ސިކްރީ، ގަޖްރާޖް ރާއޯ އަދި ޝީބާ ޗައްދާ ފެނިގެންދާނެއެވެ. މި ފިލްމް ޑައިރެކްޓް ކޮށްފައި ވަނީ "ތޭވަރް" ގެ ޑައިރެކްޓަރ އަމިތް ޝަރްމާއެވެ.