މޫސުމާއި ބެހޭ މުހިންމު މައުލޫމާތު ފޯރުކޮށްދިނުމަށް ވައިބާ ޕަބްލިކް ޗެޓެއް އުފައްދައިފި
20 އޮކްޓޯބަރު 2018 | ހޮނިހިރު 03:26މިޕަބްލިކް ޗެޓުން ބިން ހެލުމާއި، ސުނާމީ ފަދަ ކާރިސާތަކުގެ އެލާޓުގެ ވެސް ލިބޭނެ
ވާރޭ ވެހި އަމީނީ މަގު ފެންބޮޑުވެފައި | ގޫގުލް
މޫސުމާއި ބެހޭ މުހިންމު މައުލޫމާތާއި، އެލާޓުތައް ފޯރުކޮށްދިނުމަށް މޫސުމާ ބެހޭ ގައުމީ އިދާރާ (މެޓް އޮފީސް) އިން ހާއްސަ ވައިބާ ޕަބްލިކް ޗެޓެއް އުފައްދައިފި އެވެ.
މެޓް އޮފީހުން ބުނީ އެ ޕަބްލިކް ޗެޓުން ކޮންމެ ދުވަހެއް މޫސުމާއި ބެހޭ މައުލޫމާތު ލިބޭނެ ކަމަށާއި، ބިން ހެލުމާއި، ސުނާމީ ފަދަ ކާރިސާތަކުގެ އެލާޓުގެ ވެސް ލިބޭނެ ކަމަށެވެ.
މެޓް އޮފީހުން ބުނީ މިފަދަ ވައިބާ ޕަބްލިކް ޗެޓެއް އުފެއްދީ މުހިންމު އެލާޓުތައް ވީހާވެސް ގިނަ އަދަދެއްގެ ރައްޔިތުންނަށް އެއްފަހަރާ ފޯރު ކޮށްދިނުން ކަމަށެވެ.
މެޓް އޮފީހުގެ ޕަބްލިކް ޗެޓަށް ވަނުމަށް ހުރިހާ ފަރާތްތަކަށް ހުޅުވާލާފައިވާއިރު، މީގެ ކުރިން މެޓް އޮފީހުން މޫސުމާއި ބެހޭ މައުލޫމާތު ފޯރުކޮށްދެމުން އައީ އެ އިދާރާގެ ޓްވިޓާ އަދި ފޭސްބުކް އެކައުންޓު މެދުވެރިކޮށްގެނެވެ.
