އެއްވެސް ކަހަލަ ޖަރީމާއެއް ހިންގަން އުޅުނު ކަމަށް އެއްބަސްވާ ހިސާބުން އެ މީހަކީ ފާސިގެއް ކަމަށާއި، އެ މީހެއްގެ ހެކިބަސް ގަބޫލެއް ނުކުރެވޭނެ ކަމަށް މަޝްހޫރު ދީނީ އިލްމުވެރިޔާ ޝެއިޚް އަލީ ޒައިދު ވިދާޅުވެއްޖެއެވެ.
ޝެއިޚް އަލީ ޒައިދު މިހެން ވިދާޅުވެފައި ވަނީ ރައީސުލްޖުމްހޫރިއްޔާ އަބްދުﷲ ޔާމީން އަބްދުލްގައްޔޫމްގެ ފަރާތްޕުޅުން އިންތިޚާބު ބާތިލް ކުރުމަށް ސުޕްރީމް ކޯޓަށް ހުށައެޅި މައްސަލައިގެ ސިއްރު ހެކިންގެ ގޮތުގައި، އިލެކްޝަން ކޮމިޝަންގެ ރައީސް އަހުމަދު ޝަރީފުގެ އަމިއްލަ ޚަރަދުގައި އިންތިޚާބު އޮޅުވާލުމަށް އަނގޮޓިތަކެއް އެތެރެކުރި ކަމަށް ބުނާ މީހަކު ހެކިންގެ ގޮތުގައި ހުށަހެޅުމާ ގުޅިގެންނެވެ.
ޝެއިޚް އަލީ ޒައިދު ވިދާޅުވީ ޖަރީމާއެއް ހިންގަން އުޅުމަކީ ޖަރީމާއެއް ހިނގިކަން ސާބިތުކުރެވޭނެ ކަމެއް ނޫން ކަމަށެވެ.
amilla nafsah thimanna jareemaa eh hingan vegen masahkai kureemey... ulhuneemey... bunaa hisaabun ves eynaa akee faasiqeh! eynaa ge hekibaheh Qabooleh nukureveyne! jareemaa eh (hingan ulhumakee) adhi jareemaa (hingikan) saabithu kureveyne kameh noon!
— Ali Zaid (@alizaid1000) October 16, 2018
ވޯޓު ކަރުދާހުގެ ޖަހާފައިވާ ފާހަގަ ބަދަލުވާ ކަމަށް ރައީސް ޔާމީނަށް ތާއީދުކުރާ ބައެއް ފަރާތްތަކުން ދައްކަމުންދާ ވާހަކަތަކަށް އިޝާރާތް ކުރައްވައި އަލީ ޒައިދު ވިދާޅުވީ ފާހަގަ ބަލަބަލާ ހުއްޓައި ވެއްޓޭ ވާހަކައަކީ ހައިރާންވެ އަންތަރީސްވާވަރު ވާހަކައެއް ކަމަށެވެ. އަދި މިއީ މޮޔައިން ދައްކާ، ތާކުން ތާކު ނުޖެހޭ ވާހަކައެއް ކަމަށް ވިދާޅުވެފައި ވެއެވެެ.
އަލީ ޒައިދު ވިދާޅުވީ މިފަދަ ވާހަކަތައް ދައްކާ ބައެއްގެ ހެކި ބަސް ނުނެގޭނެ ކަމަށާއި، ގަބޫލުކުރާނެ ވެސް ޖާގައެއް ނެތް ކަމަށެވެ.
faahaga balabalaa huttai vettey vaahaka ivifai alhuganduves hama hairaanve antharees vejje! bayaku dhen moyaviyas mihaa thaakun thaaku nujehey vaahaka dhakkaane kamakah kudakoh ves hithah naara! mikahala baehge hekibas kihinehthoo qaboolu kureveynee?!
— Ali Zaid (@alizaid1000) October 16, 2018
ފަސާދަ އުފައްދަން މަސައްކަތް ކުރި ކަމަށް އިއުތިރާފުވާ މީހެއްގެ ހެކިބަސް ޝަރުއީ ކޯޓެއްގައި ނުނެގޭނެ ކަމަށް ގިނަ ގާނޫނީ ވަކީލުން ވެސް އިއުތިރާފްވާއިރު، ރިޔާސީ އިންތިޚާބުގެ ނަތީޖާ ބާތިލު ކުރުމަށް ސުޕްރީމު ކޯޓަށް ހުށަހަޅާފައިވާ ދުސްތޫރީ މައްސަލާގައި ތިން ސިއްރު ހެކިންގެ ހެކިބަސް ނުނަގަން އެކޯޓުން ވެސް ވަނީ ނިންމާފައެވެ. އެގޮތަށް ނިންމާފައި ވަނީ މިއަދު ބޭއްވި އެ މައްސަލައިގެ އަޑުއެހުމުގައެވެ. އެ މައްސަލާގައި ދެން އޮންނާނީ ހުކުމް އިއްވުމެވެ. ނަމަވެސް ހުކުމް އިއްވާނެ ދުވަހެއް ހާމައެއް ނުކުރެއެވެ.
