ޔާމީންގެ ފަރާތުން ސުޕްރީމް ކޯޓަށް ހުށައެޅި މައްސަލާގައި ފުލުހުންގެ އިންޓަލިޖެންސް ރިޕޯޓެއް ނުހިމެނޭ!
13 އޮކްޓޯބަރު 2018 | ހޮނިހިރު 07:32އިލެކްޝަންސް ކޮމިޝަނުން ޤާނޫނާއި ހިލާފަށް ހިންގި ކަންތައްތައް ތަހުޤީޤްކޮށްދިނުމަށް ފުލުހުންނާއި ސިފައިންގެ މައްޗަށް އަމުރުކޮށްދިނުމަށް އެދިފައިވޭ
24 ސެޕްޓެމްބަރުގައި އިންތިހާބުގެ ނަތީޖާ ގަބޫލުކުރެއްވިކަން އިއުލާންކުރެއްވުމަށްފަހު ރައީސް ޔާމީން ވަޑައިގަންނަވަނީ
އިންތިޚާބުން ނާކާމިޔާބުވެވަޑައިގެންނެވި ރައީސް އަބްދުﷲ ޔާމީންގެ ފަރާތުން ސުޕްރީމް ކޯޓަށް ހުށައެޅުއްވި މައްސަލައާއެކު ފުލުހުންގެ އިންޓަލިޖެންސް ރިޕޯޓެއް ހުށަހަޅާފައިނުވާކަމަށް ކުރީގެ ބަންޑާރަ ނައިބް ހުސްނުއް ސުއޫދު ވިދާޅުވެއްޖެ އެވެ.
ރައީސް ޔާމީންގެ ފަރާތުން އިންތިހާބުގެ ބާތިލްކުރުމަށް ސުޕްރީމް ކޯޓަށް ހުށަހަޅާފައިވާއިރު، އެ މައްސަލަ ބަލައިގަނެ، އަންނަ އާދިއްތަ ދުވަހަށް މައްސަލައިގެ ފުރަތަމަ އަޑުއެހުން ވަނީ ތަވާލްކޮށްފި އެވެ.
ރައީސް ޔާމީންގެ ފަރާާތުން ހުށައެޅި އެ މައްސަލައާއެކު ފުލުހުންގެ އިންޓަލިޖެންސް ރިޕޯޓެއް ހިމެނޭތޯ ގިނަ ރައްޔިތުން ސުވާލުކުރަމުންދާއިރު ޤާނޫނީ ވަކީލް ސުއޫދު ވިދާޅުވީ ލިބިވަޑައިގެންފައިވާ މައުލޫމާތުތަކުން ރައީސް ޔާމީން ހުށައެޅުއްވި މައްސަލައާއެކު ފުލުހުންގެ އިންޓަލިޖެންސް ރިޕޯޓެއް ހުށަހަޅާފައިނުވާކަން ކަށަވަރުވާކަމަށެވެ. އަދި އެ މައްސަލާގައި މައިގަނޑު ގޮތެއްގައި ވަނީ ވޯޓުލާ މަރުކަޒުތަކުގައި ބޭނުންކުރި އަނގޮޓިއެއްގެ ވާހަކަ ކަމަށެވެ.
ރައީސް ޔާމީންގެ ފަރާތުން އިންތިހާބު ބާތިލްކުރުމަށް އެދި ހުށައެޅި މައްސަލަ ލީކްވެފައިވާއިރު، އެ މައްސަލާގައި އެދިފައިވާ ކަންކަމުގެ ތެރޭގައި އިލެކްޝަންސް ކޮމިޝަނުން ކޮށްފައިވާ ކަންތައްތައް ބަލައި ތަހުޤީޤްކޮށްދިނުމަށް ފުުލުހުންނާއި ސިފައިންގެ މައްޗަށް އަމުރުކޮށްދިނުމަށް އެދިފައިވެއެވެ. އެހެންކަމުން އެ މައްސަލަ ހުށައެޅުނުއިިރު ފުލުހުންނާއި ސިފައިންގެ އެއްވެސް ބައިވެރިވުމެއް ނެތްކަން ހާމަވެއެވެ.
ރައީސް ޔާމީންގެ ފަރާތުން ހުށައެޅި މައްސަލާގައި އެންމެ ބޮޑަށް ފާހަގަކޮށްފައިވަނީ ވޯޓު ކަރުދާހުގެ ވާހަކަ އެވެ.
