ދެ ކުޑަކުއްޖަކު ގެއްލިގެން ހޯދަނީ
އެދެކުދިންނާއި ބެހޭ މައުލޫމާތެއް ލިބިފައިވާނަމަ ފުލުހަށް އެންގުމަށް އެދޭ
ގެއްލިގެން ހޯދަމުންދާ ދެކުދިން
ކުޑަ ދެ ކުއްޖަކު ގެއްލިގެން ފުލުހުންނަށް ރިޕޯޓްކުރުމާ ގުޅިގެން އެ ދެ ކުދިން ހޯދުމުގެ މަސައްކަތް ފުލުހުން ފަށައިފިއެވެ.
ފުލުހުން ބުނީ ގެއްލިގެން ހޯދަމުންދަނީ ގ. ނާޝިދުވިލާ، ފާޠިމަތު ޝާޙާ އިބްރާހިމް (15އ) އާއި މ. މުލައް، ކޮކާހަނދުވަރު، ނާޖިޙާ ޢަލީ (14އ) ކަމަށެވެ.
މި ދެކުދިިންގެ ތެރެއިން ފާޠިމަތު ޝާޙާ އިބްރާހިމް ގެއްލިގެން ރިޕޯޓްކޮށްފައި ވަނީ އޮކްޓޯބަރު 7 ވަނަ ދުވަހުގެރޭ 23:56 ހާއިރުއެވެ. އަދި ނާޖިޙާ ޢަލީ ގެއްލިގެން ފުލުހުންނަށް ރިޕޯޓްކޮށްފައި ވަނީ އޮކްޓޯބަރު 7 ވަނަ ދުވަހުގެ ހަވީރު 17:23 ހާއިރުއެވެ.
މި ދެ ކުދިންނާ ބެހޭ އެއްވެސް މަޢުލޫމާތެއް ލިބިފައިވާ ފަރާތެއްވާނަމަ އެމަޢުލޫމާތެއް ފުލުހުންގެ ހޮޓްލައިން ނަމްބަރު 3322111 އަށް ނުވަތަ ފެމެލީ އެންޑް ޗައިލްޑް ޕްރޮޓެކްޝަންގެ ޑިއުޓީ ނަންބަރ 3331510 އަށް ގުޅައި ހިއްސާކުރުމަށް ފުލުހުން އެދެއެވެ.
