ދިޔަވަރު ބޮޑުވެ އުދަ އަރާނެކަމަށް ލަފާކޮށް ޔެލޯ އެލަރޓް ނެރެފި
5 އޮކްޓޯބަރު 2018 | ހުކުރު 18:18ޔެލޯ އެލަރޓް ނެރެފައިވަނީ މިރޭ 1:45 އަށް
ކަނޑު ގަދަވެ، މާލޭ ބޭރު ތޮއްޓަށް ރާޅުޖަހަނީ
ދިޔަވަރު ބޮޑުވެ އުދަ އަރާނެކަމަށް ލަފާކޮށް މެދު ރާއްޖެއާއި، ދެކުނުގެ އަތޮޅުތަކަށް ޔެލޯ އެލަރޓް ނެރެފި އެވެ.
މޫސުމާއި ބެހޭ ޤައުމީ އިދާރާއިން ޔެލޯ އެލަރޓް ނެރެފައިވަނީ ދ. އަތޮޅުން ފެށިގެން އައްޑޫ އަތޮޅާއި ދެމެދުގައިވާ އަތޮޅުތަކާއި ރަށްތަކަށެވެ. އަދި ރާއްޖޭގެ އެކިހިސާބަށް ވިއްސާރަކުރާނެކަމަށާއި އަދި ބައެއް ރަށްތަކަށް ގުގުރުމާއެކު ބޯކޮށް ވާރޭ ވެހުން އެކަށީގެންވާކަމަށް މޫސުމާއި ބެހޭ ޤައުމީ އިދާރާއިން ބުނެ އެވެ.
އޭގެއިތުރުން ވައި ޖެހޭނީ ހުޅަނގާއި ހުޅަނގު އުތުރުން، މެދުތެރެއާއި ދެކުނުގެ އަތޮޅުތަކުގައި ގަޑިއަކު 17 މޭލާއި 27 މޭލާ ދެމެދުގެ ބާރުމިނުގައި، އަދި އުތުރުގެ ހިސާބުތަކުގައި ގަޑިއަކު 10 މޭލާ 20 މޭލާ ދެމެދުގެ ބާރުމިނުގައި ކަމަށް އެ އދިާރާއިން ބުނެ އެވެ. އަދި ވިލާގަނޑުގައި ގަޑިއަކު ގާތްގަނޑަކަށް 45 މޭލާ 50 މޭލުގެ ދެމެދުގެ ބާރުމިނަކަށް ވައި ގަދަވާނެ ކަމަށް ލަފާކުރެވޭ ކަމަށްވެސް މޫސުމާއި ބެހޭ ޤައުމީ އިދާރާއިން ބުންޏެވެ.
މީގެ އިތުރުން ދިޔަވަރު ބޮޑުވާ ވަގުތު ތަކުގައި ދެކުނާއި މެދުތެރޭގެ ބައެއް އަތޮޅުތަކަށް އުދަ އެރުން އެކަށީގެންވާކަމަށް އެ އިދާރާއިން ބުނެ އެވެ. އެހެންކަމުން ހުރިހާ ފަރާތްތަކުން، އަދި ޚާއްސަކޮށް ކަނޑު ދަތުރުކުރައްވާ ފަރާތްތަކުން މޫސުމަށް ސަމާލުވުމަށް މޫސުމާއިބެހޭ ޤައުމީ އިދާރާއިން ވަނީ އިލްތިމާސްކޮށްފަ އެވެ.
