ޕާކިސްތާނުގެ ހެލިކޮޕްޓަރަކަށް އިންޑިއާ ސިފައިން ހަމަލާދީފި
ޕާކިސްތާނުން ބުނަނީ އިންޑިއާގެ ވައިގެ ސަރަހައްދަށް ނުވަންނަ ކަމަށް
އާޒާދް ކަޝްމީރް ސަރަހައްދުގެ ބޮޑުވަޒީރު ރާޖާ ފާރޫޤް ހައިދަރު ޚާން
ކަޝްމީރުގެ ޕާކިސްތާނުގެ ފަޅީގެ ލީޑަރު ދަތުރު ކުރެއްވި ހެލިކޮޕްޓަރަށް އިންޑިއާގެ ފައުޖުތަކުން ހަމަލާ ދީފި ކަމަށް އޭނާ ތުހުމަތުކުރައްވައިފިއެވެ.
ޕާކިސްތާނާއި އިންޑިއާ ގުޅޭ ސަރަހައްދީ ރޮނގުގެ ކައިރީގައި މިހާދިސާ ހިނގާފައި ވަނީ އާޒާދް ކަޝްމީރް ސަރަހައްދުގެ ބޮޑުވަޒީރު ރާޖާ ފާރޫޤް ހައިދަރު ޚާން އަވަށްޓެރި އަވަށެއްގެ ސިޔާސީ ބޭފުޅަކު އަވަހާރަވެގެން އާއިލާއަށް ތައުޒިއާ ވިދާޅުވުމަށް ވަޑައިގަންނަވަނިކޮށެވެ.
ވެރިރަށް އިސްލާމް އާބާދުން އާދީއްތަ ދުވަހު ނެރުނު ބަޔާނެއްގައި ރާޖާ ފާރޫޤް ހައިދަރު ޚާން ވިދާޅުވެފައި ވަނީ އޭނާ ދަތުރުކުރެއްވި ހެލިކޮޕްޓަރަށް ހަމަލާ ދިން އިރު ދަތުރު ކުރަމުންދިޔައީ ލައިން އޮފް ކޮންޓްރޯލްގެ ޕާކިސްތާނާ ވީ ފަޅިން ކަމަށާއި އުސޫލާ ޚިލާފު އެއްވެސް ކަމެއް ހެލިކޮޕްޓަރުން ކޮށްފައިނުވާ ކަމަށެވެ.
"އިންޑިއާގެ އަސްކަރިއްޔާއިން ބަޑިޖެހީ ޕާކިސްތާނުން އެ ގަައުމުގެ ވައިގެ ސަރަހައްދަށް ވަދެފައިވާކަން ދައްކަން،" ޚާންގެ ބަޔާނުގައި ވެއެވެ.
އިންޑިއާ އަސްކަރިއްޔާގެ ތަރުޖަމާނު ލެފްޓިނެންޓް ކާނަލް ދެވެންދާ އާނަންދް ވިދާޅުވީ އެ ހެލިކޮޕްޓަރުން ޕޫންޗްގެ ލައިން އޮފް ކޮންޓްރޯޯލްގެ ހުރަސްކޮށް މެންދުރު 12 ޖަހާކަންހާއިރު އެ ގައުމުގެ ވައިގެ ސަރަހައްދަށް ވަދެފައިވާ ކަމަށެވެ.
އާނަންދް ވިދާޅުވީ އެއީ ޕާކިސްތާނުގައި އުފައްދާ ބާވަތުގެ ހެލިކޮޕްޓަރެއް ކަމަށް ބެލެވޭ ކަމަށާއި އުދުހިފައި ވަނީ ވަރަށް އުހުން ކަމަށެވެ. އަދި އެ ސަރަހައްދުގައި ތިބޭ ސިފައިން ހަރަކާތްތެރިވެފައި ވަނީ ކުދި ހަތިޔާރާ އެކު ކަމަށެވެ.
ރާޖާ ފާރޫޤް ހައިދަރު ޚާން ވިދާޅުވެފައި ވަނީ ހެލިކޮޕްޓަރުގައި އެއްވެސް ހަތިޔާރެއް ނުހުންނާނެ ކަމަށެވެ.
