އިބޫގެ ކެމްޕެއިން ހެޑްކުއަރޓަރ ކަމަށްވާ ސޯލްޓަށް ފުލުހުން ވަދެއްޖެ
22 ސެޕްޓެމްބަރު 2018 | ހޮނިހިރު 11:38ޤާނޫނާ ހިލާފު ކަންތައްތަކެއް ހިންގަމުންދާ ކަމަށް ބުނި
ފުލުހުން ސޯލްޓަށް ވަންނަނީ | ޓްވިޓަރ
ގުޅިފައިވާ ސިޔާސީ ޕާޓީތަކުގެ ރިޔާސީ ކެންޑިޑޭޓް އިބްރާހީމް މުހައްމަދު ސޯލިހުގެ ކެމްޕެއިން ހެޑްކުއަރޓަރ ކަމަށްވާ ސޯލްޓް ކެފޭ އެންޑް ރެސްޓޯރެންޓްގައި ޤާނޫނާ ހިލާފު ކަންތައްތަކެއް ހިންގަމުންދާ ކަމަށް ބުނެ ފުލުހުން އެކަން ހުއްޓުވުމުގެ މަސައްކަތް ފަށައިފިއެވެ.
ފުލުހުން ހޮނިހިރު ދުވަހު ކުރި ޓްވީޓެއްގައި ބުނެފައި ވަނީ އެތަނުގައި ހިންގަމުންދާ ޤާނޫނާ ހިލާފު ކަންތައްތަކެއް ހުއްޓުވުމަށް ފުލުހުން އެތަނަށް ވަދެ އެކަން ހުއްޓުވުމުގެ މަސައްކަތް ކުރަމުންދާ ކަމަށެވެ.
ރާއްޖެއެމްވީ އަށް މައުލޫމާތު ދެމުން އެ ސަރަހައްދުގައި ހަރަކާތްތެރިވާ ރާއްޖެޓީވީގެ ނޫސްވެރިޔާ ބުނީ ފުލުހުން އެ ސަރަހައްދުގައި ހަރަކާތްތެރިވަމުންދާ ކަމަށާއި ސޯލްޓް ކެފޭ ސަރަހައްދު ފުލުހުން ބަންދުކޮށްފައިވާ ކަމަށެވެ.
