އއ. ސަފާރީ އައިލެންޑް ރިސޯޓު (މުށިމަސްގަލި) އިން މާލެ ދަތުރުކުރަމުންދިޔަ "މިންވަރު" ނަމަކަށް ކިޔާ ދޯންޏަކުން ކަނޑަށް ވެއްޓިގެން ހޯދަމުން ދިޔަ މީހާ ފެނިއްޖެއެވެ.

ބުރާސްފަތި ދުވަހު 18:30 ހާއިރު ކަނޑަށް ވެއްޓި ގެއްލިފައި ވަނީ ދޯނީގެ ކެޕްޓަނަކަށް ހުރި ށ. ބިލެތްފަހި / ކްރެސްޓް، އުމުރުން 25 އަހަރުގެ ޢަލީ ފައުޒާން، ނަމަކަށް ކިޔާ ދިވެއްސެއް ކަމަށް އެމްއެންޑީއެފުން މައުލޫމާތު ދެއެވެ.

އޭނާ ފެނިފައި ވަނީ ކަނޑުމަތީ އޮއްވާ އެ ސަރަހައްދުން ދަތުރުކުރި ލޯންޗަކަށެވެ. އަދި އޭނާގެ ހާލު ރަނގަޅު ކަމަށް އެމްއެންޑީއެފުން މައުލޫމާތު ދެއެވެ.

މަޢުލޫމާތު ލިބިފައިވާ ގޮތުގައި، ގެއްލުނު މީހާއާ އެކު އެ ދޯނިން ތިން މީހަކު ދަތުރުކުރި ކަމަށާއި އޭގެ ތެރޭގައި ހިމެނެނީ ދިވެއްސަކާއި ދެ ބިދޭސީންނެވެ.