ވަކި މީހަކު ވެރިކަމުގައި ހުރުމުން، ވެރިކަމުގައި ނެތުމުން އިސްލާމް ދީން މި ރާއްޖެއިން ފޮހެވިގެން ނުދާނެ: ކުރީގެ އުއްތަމަ ފަނޑިޔާރު
ޢިލްމުވެރިން ދުނިޔެވީ ސަބަބުތަކަށްޓަކައި އެއްބަޔަކު އަނެެއްބަޔަކަށް ފުރައްސާރަކޮށް، ހަދާނަމަ އިސްލާމްދީނަށް ލިބޭ ނިކަމެތިކަން ބޮޑުވާނެ
ކުރީގެ އުއްތަމަ ފަނޑިޔާރު އަހުމަދު ފާއިޒް ހުސެއިން
ވަކިމީހަކު ވެރިކަމުގައި ހުރުމުން، އަދި ވަކި މީހަކު ވެރިކަމުގައި ނެތުމުން އިސްލާމް ދީން މި ރާއްޖެއިން ފޮހެވިގެން ނުދާނެކަމަށް ކުރީގެ އުއްތަމަ ފަނޑިޔާރު އަހުމަދު ފާއިޒް ހުސެއިން ވިދާޅުވެއްޖެ އެވެ.
ރައީސް އަބްދުﷲ ޔާމީން ވެރިކަމަށް ވަޑައިގެން، ޤާނޫނަށް ބަދަލު ގެންނެވުމަށްފަހު މަޤާމުން ވަކިކުރެއްވި ކުރީގެ އުއްތަމަ ފަނޑިޔާރުގެ އަމިއްލަފުޅު ފޭސްބުުކް އެކައުންޓުގައި ލިޔުއްވާފައިވަނީ މުސްލިމުންގެ އަޤީދާ އާ ކުޅެ، ދުނިޔެވީ މަޤްޞަދެއް ހާސިލް ކުރުމަކީ ޢިލްމު ވެރިންގެ މަޤާމެއް ނޫން ކަމަށެވެ. އަދި ވަކިމީހަކު ވެރިކަމުގައި ހުރުމުން، ވަކިމީހަކު ވެރިކަމުގައި ނެތުމުން އިސްލާމް ދީން މި ރާއްޖެއިން ފޮހެވިގެން ނުދާނެކަމަށް އެެމަނިކުފާނު ވިދާޅުވި އެވެ.
ފާއިޒް ވިދާޅުވީ ޢިލްމުވެރިން ދުނިޔެވީ ސަބަބުތަކަށްޓަކައި އެއްބަޔަކު އަނެެއްބަޔަކަށް ފުރައްސާރަކޮށް ހަދާނަމަ، އިސްލާމްދީނަށް ލިބޭ ނިކަމެތިކަން ބޮޑުވާނެކަމަށެވެ.
ފާއިޒް އެފަދައިިން ވިދާޅުވިއިރު، ސަރުކާރުގެ މަޤާމުތަކުގައި ތިއްބެވި ދީނީ އިލްމުވެރިންތަކެއް ނެރުއްވައިގެން ސަރުކާރުން ގެންދަނީ ދީން ސިޔާސީ އައްޑަނައަކަށް ހައްދަވައިގެން މަސައްކަތްކުރައްވަމުންނެވެ. އެގޮތުން ރައީސް އަބްދުﷲ ޔާމީނަށް ވެރިކަން ލިބިވަޑައިނުގެންފިނަމަ ރާއްޖެއިން އިސްލާމްދީން ފޮހެވިގެންދާނެކަމަށް އެ ބެފުޅުން ގެންދަވަނީ ވިދާޅުވަމުންނެވެ.
