ވޯޓުލާ ސަރަހައްދުތަކުގައި ދުންފަތުގެ އިސްތިއުމާލްކުރުން މަނާ
ވޯޓުލުމުގެ ކަންކަން އިންތިޒާމްކުރާ ފަރާތްތަކުންވެސް އެކަންކަމަށް ސަމާލުކަންދިނުމަށް އިލްތިމާސްކޮށްފައިވޭ
2013 ވަނަ އަހަރު ރިޔާސީ އިްނތިހާބްގެ ތެރެއިން
ވޯޓުލުން ކުރިއަށްގެންދާ ސަރަހައްދުތަކުގައި ދުންފަތުގެ އިސްތިއުމާލްކުރުމަކީ މަނާ ކަމެއް ކަމަށް ހެލްތު ޕްރޮޓެކްްޝަން އެޖެންސީ (އެޗްޕީއޭ) އިން ބުނެފި އެވެ.
އިންތިހާބަށް 3 ދުވަސްވެފައިވާއިރު، އެޗްޕީއޭއިން އާންމުކުރި ބަޔާނެއްގައި ބުނެފައިވަނީ ދުންފަތުގެ އިސްތިއުމާލްކުރުން މަނާ ތަންތަން ކަނޑައެޅުމުގެ ގަވާއިދުގައި ކަނޑައެޅިފައިވާ ފަދައިން އިންތިހާބުތަކުގައި ވޯޓުލުމުގެ ކަންތައްތައް އިންތިޒާމް ކުރެވިފައިވާ ސަރަހައްދުތަކާއި އެ ތަންތަނަށް ވަދެ ނުކުމެވޭ ދޮރު ނުވަތަ އެހެންގޮތަކަށްވެސް މަޑުކޮށްގެންތިބޭ އެންމެހައި ސަރަހައއްދުތަކުގައި ދުންްފަތުގެ އިސްތިއުމާލްކުރުމަކީ މަނާކަމެއް ކަމަށެވެ.
އެޗްޕީއޭއިން ބުނީ ވޯޓުލުމުގެ ކަންކަން އިންތިޒާމްކުރާ ފަރާތްތަކުންވެސް އެކަންކަމަށް ސަމާލުކަންދީ، އެފަދަ ތަންތަނުގައި ދުންފަތުގެ އިސްތިއުމާލްކުރުމަކީ މަނާކަމެއްކަން ކަށަވަރުކުރަން އެދޭކަމަށެވެ. އަދި އެކަން ކަށަވަރުކުރުމުގެ ގޮތުން އަޅަންޖެހޭ ހުރިހާ ފިޔަވަޅެއް އެޅުމަށް ވަނީ އިލްތިމާސްކޮށްފަ އެވެ.
އަންނަ އާދިއްތަ ދުވަހ ބާއްވާ ރިޔާސީ އިންތިހާބުގައި ވޯޓު ފޮށިތައް ބެހެއްޓުމަށް ހަމަޖެހިފައިވަނީ ސުުކޫލްތަކާއި ކޮލެޖް، ޔުނިވާރސިޓީތަކުގައެވެ.
