ކާޖޮލް ގެ ފިލްމުގައި އަޖޭގެ ރުކް ރުކް ރުކް
20 ސެޕްޓެމްބަރު 2018 | ބުރާސްފަތި 07:46މިފިލްމަކީ އެކަނިވެރި މައެއްގެ ދިރިއުޅުން ދައްކުވައިދޭ ފިލްމެއް
ކާޖޮލް އާއި ފިރިމީހާ އަޖޭ ދޭވްގަން
މިއަހަރު ރިލީޒް ކުރި ގިނަ ފިލްމްތަކުގައި ކުރީގެ ފިލްމްތަކުގެ ލަވަތަކުގެ މިއުޒިކަށް ބަދަލުގެނެސް އެލަވަތައް ވަނީ ހިމަނާފައެވެ.
އެގޮތުން "އޭކް ދޯ ތީން" ، ސަނު އެކް ޕަލް ޗޭން ނަ އާވޭ"، "ދިލްބަރު ފަދަ ލަވަތައް ފާހަގަ ކޮށްލެވެއެވެ.
މި ފަދައިން އަންނަ މަހު ބާރާގައި ރިލީޒް ކުރުމަށް ހަމަޖެހިފައިވާ ކާޖޮލްގެ ފިލްމް "ހެލިކޮޕްޓަރ އީލާ" ގައި ވެސް 1994 ވަނަ އަހަރު ރިލީޒްކުރި ފިލްމް "ވިޖޭޕަތް" ގައި ހިމެނޭ "ރުކް ރުކް ރުކް" މި ލަވަ ހިމެނުމަށް ހަމަޖެހިފައިވާ ކަމަށް ޚަބަރުތައް ބުނެއެވެ.
ބެލުންތެރިންގެ މެދުގައި މަޝްހޫރު ވެގެންދިޔަ "ރުކް ރުކް ރުކް" ގެ އޮރިޖިނަލް ލަވައިގައި ފެނިގެން ގޮސްފައި ވަނީ ކާޖޮލް ގެ ފިރިމީހާ އަޖޭ ދޭވްގަން އާއި ތައްބޫއެވެ.
އީލާގައި ކާޖޮލް ފެންނާނީ ލަވަ ކިޔުންތެރިއެއްގެ ރޯލުންނެވެ. މިފިލްމަކީ އެކަނިވެރި މައެއްގެ ދިރިއުޅުން ދައްކުވައިދޭ ފިލްމެކެވެ.
މި ފިލްމުގައި މަޖުބޫރުން ކުރާ ކައިވެންޏަށް ދަރިއަކު ލިބި އެކައިވެނި ރޫޅެއެވެ. އަދި އެކަނިވެރި މައެއްގެ ގޮތުގައި ދަރިފުޅު ބޮޑުކުރުމަށް ކާޖޮލް މަސައްކަތް ފަށައެވެ. އަދި އޭނާއަށް ލިބިފައިވާ ލަވަކިޔުމުގެ ހުނަރު ތަރައްގީކޮށް ހުވަފެން ކާމިޔާބު ކުރުމަށް މަސައްކަތް ކުރެއެވެ.
އީލާ އަކީ ގުޖްރާތީ ޕްލޭއެއް ކަމަށްވާ "ބޭޓާ، ކާގްދޯ" އަސްލަކަށް ބަލައިގެން އުފައްދާ ފިލްމެކެވެ.
