އަމީތާބް އާއި އާމިރު ހާން އެކުގައި ކުޅޭ ފުރަތަމަ ފިލްމުގެ ޓީޒާ ނެރެފި
18 ސެޕްޓެމްބަރު 2018 | އަންގާރަ 14:59ފިލުމްގެ ޓީޒާ ނެރުނީ ފިލްމުގެ ލޯގޯ އާންމުކުރުމުގެ ގޮތުން ބޭއްވި ރަސްމިއްޔާތުގައި
ޓީޒާގެ ދިގުމިނަކީ 1 މިނެޓާއި 16 ސިކުންތު
ބޮލީވުޑްގެ މަޝްހޫރު ތަރި އަމީތާބް ބައްޗަން އާއި ކުޅަދާނަ އެކްޓަރު އާމިރް ޚާން، ކުޅޭ ފުރަތަމަ ފިލްމްގެ ޓީޒަރ ނެރެފިއެވެ.
އެއް މިނެޓާއި ސޯޅަ ސިކުންތުގެ މި ޓީޒަރގައި ދައްކާލާފައިވަނީ އެ ފިލްމުގައި އުޅޭ މީހުންގެ ނަމާއި އެ ފިލްމަށް ކިޔާނަމެވެ. އެ ޓީޒާރގައި ވަރަށް ވަރުގަދަ ބީޓެއް ބެކް ގްރައުންޑް މިއުޒިކުގައި އިދެއެވެ.
ތަގްސް އޮފް ހިންދުސްތާން ކިޔާ މި ފިލުމްގެ ޓީޒާރ ނެރުނީ ފިލްމުގެ ލޯގޯ އާންމުކުރުމުގެ ގޮތުން ބޭއްވި ރަސްމިއްޔާތުގައެވެ. މިފިލުމްގައި އަމީތާބާއި އާމިރްގެ އިތުރުން ކެތުރީނާ ކައިފް އަދި ފާތިމާ ސަނާ ޝައިޚް އުޅެއެވެ. ވިޖޭ ކްރިޝްނާ އަޗަރިޔާ ޑައިރެކްޓްކޮށް އަދިއްތިޔާ ޗޯޕްރާ ޕްރޮޑިޔުސް ކުރާ މި ފްލިމް އުފައްދަނީ ޔަޝް ރާޖްއިންނެވެ. ޔަޝް ރާޖާއިން ބުނީ މި ފިލުމް ރިލީޒްކުރަން ހަމަޖެހިފައި ވަނީ ނޮވެންބަރު މަހުގެ ހަތްވަނަ ދުވަހުއެވެ.
1839 ވަނަ އަހަރު ނިކުތް ފޮތެއްގެ މައްޗަށް ކުޅޭ މިފިލުމް ގެ ވާހަކަ ބިނާވެފައި އޮންނަނީ އިންޑިއާގައި އިނގިރޭސިން ވެރިކަންކުރިއިރު، އިނގިރޭސިންނަށް އެ ގައުމުގައި ހަމަޖެހިގެން އުޅުނަ ނުދިނުމަށްޓަކައި މަސައްކަތްކުރި ތަގެއްގެ މައްޗަށެވެ.
