ރިޔާސީ އިންތިޚާބާ ދިމާކޮށް ވ. އަތޮޅުގެ ފުލުހުންނަށް ޓްރެއިނިންގ ޕްރޮގްރާމެއް ހިންގައިފި
17 ސެޕްޓެމްބަރު 2018 | ހޯމަ 15:05ފުލުހުންނަށް ތަފާތު ދާއިރާތަކުގެ މަޢުލޫމާތު ވަނީ ދީފައި
ވ. އަތޮޅުގެ ފުލުހުން ޓްރޭނިންގްގައި ހަރަކާތްތެރި ވަނީ
ރިޔާސީ އިންތިހާބާ ދިމާކޮށް ފުލުހުން ވ. އަތޮޅުގައި ޓްރެއިނިންގ ޕްރޮގްރާމެއް ކުރިއަށް ގެންގޮސްފިއެވެ.
ހޯމަ ދުވަހު ހިންގި އެ ޕްރޮގްރާމުގައި، ފުލުހުންނަށް ލިބިދީފައިވާ ޤާނޫނީ ބާރުތަކާއި އިޚްތިޔާރުގެ ބޭނުން ހިފުމާއި ހަތިޔާރު ބޭނުންކުރާ ޤަވާއިދާއި ގުޅޭ ގޮތުން ފުލުހުންނަށް މަޢުލޫމާތު ދީފައިވެއެވެ. މީގެއިތުރުން ފުލުހުން ބޭނުން ކުރާ ލެސް ލީތަލް ހަތިޔާރުތަކުގެ ތެރޭގައި ހިމެނޭ މުގުރާއި ޕެޕަރ ސްޕްރޭ ފަދަ ތަކެތި ބޭނުންކުރާނެ ގޮތްތަކާއި ފުލުހުންގެ ބެލުމުގެ ދަށަށް މީހުން ގެންދިއުމުގައި ޢަމަލުކުރާނެ އުކުޅުތައް ދަސްކޮށްދީ ފަރިތަކުރުންތައް ކުރިއަށް ގެންގޮސްފައިވެއެވެ.
އެ ރިފްރެޝަރ ޕްރޮގްރާމްގައި ވ.އަތޮޅުގައި މަސައްކަތްކުރާ 17 ފުލުހަކު ބައިވެރިވެފައިވެއެވެ. އެ ޕްރޮގްރާމް ކުރިއަށް ގެންގޮސްދީފައިވަނީ އެ އަތޮޅުގައި މަސައްކަތްކުރާ ފުލުހުންގެ ތެރެއިން މިފަދަ ޕްރޮގްރާމެއް ހިންގުމުގެ ތަމްރީން ލިބިފައިވާ ފުލުހުންނެވެ.
