ހޯމަ 19 އޯގަސްޓު 2019
09 މާ
1440 ޒުލްޙައްޖު 17
ފަތިސް 04:48
އިރުއަރާ 06:01
މެންދުރު 12:14
އަސްރު 15:26
މަޣްރިބް 18:19
އިޝާ 19:32
ދުނިޔެ - މެދުއިރުމަތީގެ މައްސަލަ

ފަލަސްތީނުގެ ރައްޔިތުންނަށް ޚިދުމަތްދޭ ގުދުސްގެ ހޮސްޕިޓަލްތަކަށް އެމެރިކާއިން އެހީ ކަނޑާލައިފި

  • ހޮސްޕިޓަލްތަކަށް އެހީގެ ގޮތުގައި ދޭ 25 މިލިއަން ޑޮލަރު ކަނޑާލުމަށްވަނީ ނިންމާފައި
  • ފަލަސްތީނުގެ ލީޑަރުންވަނީ ކަންބޮޑުވުން ފާޅުކުރައްވާފައި

އަބުދުﷲ މުހައްމަދު
8Abbo

ކ. މާލެ 9 ސެޕްޓެންބަރ 2018 | އާދީއްތަ 19:29 2,228

ޔޫއެންއާރުޑަބްލިޔުއޭ އަށް ދޭ އެހީވެސް އެމެރިކާއިންވަނީ ކަނޑާލާފައި - ރޮއިޓަރސް

 

އެމެރިކާއިން ފަލަސްތީނަށް ދޭ އެހީގެ ތެރެއިިން މިހާރު ކަނޑާނުލައި އޮތް ހަމައެކަނިއެހީގެ ޕްރޮގްރާމްތަކުގެ ތެރޭގައި ހިމެނޭ ގުދުސްގެ ހޮސްޕިޓަލްތަކަށްދޭ އެހީ އެމެރިކާއިން ކަނޑާލައިފިއެވެ.

މި އެހީ ކަނޑާލުމުން ސީރިއަސް ބަލިތަކުގައި ތިބި ފަލަސްތީނުގެ ކުޑަކުދިންނާއި ކެންސަރު ފަދަ ބަލިތަކުގައި ތިބި ފަރާތްތަކުގެ ފަރުވާއަށް އަސަރުކުރާނެއެވެ.

ވޮޝިންގޓަނުންވަނީ އިސްރާއީލުން ވެރިވެގެންފައިވާ އިރުމަތީ ގުދުސްގައި ހުރި ހަ ހޮސްޕިޓަލަކަށް އެހީގެ ގޮތުގައި ދޭ 25 މިލިއަން ޑޮލަރު ކަނޑާލުމަށް ނިންމާފައެވެ.

ފަލަސްތީނުގެ ލީޑަރުން އަދި ސިއްހީ ދާއިރާގެ އޮފިޝަލުންވަނީ އެމެރިކާގެ ނިންމުމަށް ފާޑު ވިދާޅުވެފައެވެ.

ފަލަސްތީނުގެ ރައްޔިތުންނަށް ހިތުގެ އޮޕަރޭޝަންފަދަ ޚާއްސަ އޮޕަރޭޝަންތަކާއި، ނިއޯނޭޓަލް އިންޓެންސިވް ކެއަރ، ރޭޑިއޭޝަން ތެރަޕީ، އަދި ކުޑަކުދިންގެ ޑައިލިސިސް ހެދެމުންދިޔައީ އެެ ފަންޑުގެ ތެރެއިންނެވެ. ދުނިޔޭގެ ސިއްހަތު ޖަމާއަތުން ބުނެފައިވާ ގޮތުގައި އެ ޚިދުމަތްތަކަކީ ޣައްޒާ ނުވަތަ ހުޅަނގު އައްސޭރީން ލިބެންހުންނަ ފަރުވާތަކެއް ނޫނެވެ.

ލުބްނާން އާއި ސީރިއާ، އުރުދުން، ގާޒާ އަދި ހުޅަނގު އައްސޭރީގައި ދިރިއުޅެމުންދާ ފަލަސްތީނުގެ ރެފިއުޖީންނަށް އިޖްތިމާއީ، ތައުލީމީ، އަދި ސިއްހީ ޚިދުމަތްތައް ފޯރު ކޮށްދިނުމުގައި އިސްކޮށް ހަރަކާތްތެރި ވަމުންދާ ޔޫއެންއާރުޑަބްލިޔުއޭ އަށް ދޭ އެހީވެސް އެމެރިކާއިންވަނީ ކަނޑާލާފައެވެ.

 

 

 

 

އެންމެ ފަހުން އަޕްޑޭޓް ކުރީ: 2 މަސް ކުރިން | ރިވިއު ކުރީ: އަހްމަދު ސާއިފް ޝިޔާދް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.

ކޮމެންޓް