ހިންނަވަރުގެ ޕީޕީއެމްއަށް ތާއީދު ކުރާ ގިނަ ބަޔަކު ކޯލިޝަންއާ ގުޅިއްޖެ
6 ސެޕްޓެމްބަރު 2018 | ބުރާސްފަތި 19:02އަހްމަދު ޝަރީފް ވަނީ ޕީޕީއެމްގެ ހަރަކާތްތަކުގައި އިސްކޮށް މަސައްކަތްކުރައްވާފައި
ހިންނަވަރުގެ ގިނަ ރައްޔިތުންތަކެއް އިބޫއަށް ތާއީދު ކުރަން ނިންމުން
ޅ.ހިންނަވަރުގައި ޕީޕީއެމްއަށް ކެމްޕޭން ކުރި ގިނަ އަދަދެއްގެ ބަޔަކު ކޯލިޝަންގެ ކެންޑިޑޭޓް އިބްރާހިމް މުހައްމަދު ސޯލިހު(އިބޫ)އަށް ތާއިދުކޮށްފިއެވެ.
އޭގެ ތެރޭގައި ޖުލައި މަހު މޯލްޑިވްސް އެއަރޕޯރޓްސް ކޮމްޕެނީ ލިމިޓެޑްގެ ބޯޑު މެމްބަރެއްގެ މަގާމުން އިސްތިއުފާ ދެއްވި އަހުމަދު ޝަރީފް (ހަންޓަރ) ހިމެނެއެވެ.
ހެލްތު މިނިސްޓަރ އަހުމަދު ނާޒިމާ އާއިލީ ގޮތުން ގާތް ގުޅުމެއް އޮންނަ އަހުމަދު ޝަރީފަކީ 2013 ވަނަ އަހަރުގެ ރިޔާސީ އިންތިޚާބާއި 2017 ވަނަ އަހަރުގެ ލޯކަލް ކައުންސިލް އިންތިޚާބުގައި ޕީޕީއެމްއަށް ކެމްޕޭން ކުރުމުގައި އިސްކޮށް މަސައްކަތްކުރެއްވި ބޭފުޅެކެވެ. އަދި 2009 ގެ ރައްޔިތުން މަޖިލީހުގެ އިންތިޚާބުގައި އޭނާ ވަނީ އަމިއްލަ ކެންޑިޑޭޓެއްގެ ގޮތުގައި ވެސް ވާދަކުރައްވާފައެވެ.
މިމަހު ބާއްވާ ރިޔާސީ އިންތިޚާބުގައި ރައީސް ޔާމިނަށް ހިންނަވަރުން ތިން އިންސައްތަ ވޯޓު ވެސް ނުލިބޭނެ ކަމަށް އެމީހުން ބުނެއެވެ. ހިންނަވަރުން ގިނަ ބަޔަކު ކޯލިޝަންއާއި ގުޅިފައިވާއިރު ސަރުކާރުގެ ގިނަ މުވައްޒަފުން އަންނަނީ ފާޅުގައި ކޯލިޝަންއާއި ގުޅެމުންނެވެ.
