ބޮލީވުޑްގެ ދެ ތަރިން ކަމަށްވާ ފާތިމާ ސަނާ ޝެއިޚް އާއި ސާންޔާ މަލޯތްރާ ވަނީ އާމިރު ޚާންގެ ފިލްމް "ޑަންގަލް" ކުޅުމަށް ފަހު ގާތް ދެ ރަހުމަތްތެރިންނަށް ވެގެން ގޮސްފައެވެ.
މި ދެތަރިން ވަނީ ދާދި ފަހުން ޗުއްޓީ ހޭދަކުރުމަށް އެކުގައި ޔޫރަޕަށް ގޮސް ނަގާފައިވާ ފޮޓޯތައް ސޯޝަލް މީޑިއާގައި ޝެއަރ ކޮށްފައެވެ.
ބުރާސްފަތި ދުވަހު ފާތިމާ ވަނީ އޭނާގެ އިންސްޓަގްރާމްގައި އެ ދެތަރިން ޔޫރަފްގެ މަގުމަތީ ނަގާފައިވާ ވީޑިއޯއެއް ވެސް ޝެއަރ ކޮށްފައެވެ.
މި ދެ ތަރިން ނަށާ މަންޒަރު ފެނިގެންދާ މި ވީޑިއޯގައި ނަށަމުން ގޮސް ސާންޔާ އަށް ފާތިމާ ރެޑް ރޯސް ބޮކޭއެއް ދޭ މަންޒަރު ވެސް ފެނިގެން ދެއެވެ.
ފިލްމީ މަސައްކަތްތަކަށް ބަލާއިރު ސާންޔާ މިވަގުތު ދަނީ އޭނާގެ އަންނަން އޮތް ވިޝާލް ބަރްދްވާޖްގެ ފިލްމް "ޕަޓާކާ" ޕްރޮމޯޓް ކުރުމުގެ މަސައްކަތް ކުރަމުންނެވެ. މި ފިލްމަކީ ދެ ބެއިންގެ ދެމެދުގައި އޮންނަ ގުޅުން ދައްކުވައިދޭ ފިލްމެކެވެ.
މީގެ އިތުރުން އަޔޫޝަމަން ކްރާނާގެ ފިލްމް "ބަދާއީ ހޯ" އިން ވެސް ސާންޔާ ފެނިގެންދާނެއެވެ.
ފާތިމަ ދެން ފެނިގެންދާނީ އާމިރު ޚާން އާއި ކެޓްރީނާ ކެއިފް އަދި އަމީތާބް ބަޗަން އާއި އެކު "ތަގްސް އޮފް ހިންދުސްތާން" އިންނެވެ.
